MAHKHAPRÜ 6:18 - AMÜSÜH HÜM CL Bible (BSI)

¹⁸ Inü tamkhüntamnüchoh, I nü ki arübah I yo kingaün yihkhita nü miki müjihyi khiungde ha chingnü düchamachih.” Tüsho apinü tha, “Nü alodarü khiungde inü aleangbah.”

MAHKHAPRÜ 6:18 Iomraidhean Croise

THRÜNTAN 18:3

tüsho apinü tha, “I tungpuh, muzhobah I hode düyü.

THRÜNTAN 18:5

Tüsho kheakü nü I yam ching arüa lah, inü nü kilim yikhap khürü lude aranü, junangde nü mulong kinglobah. Jushu nü limro ching yüang.” Tüsho arünü tha, “Nünü athakhi nangde rhimoang.”

THRÜNTAN 19:3

Tüshe apinü reangkih; jumonü arünü api kilim rholo tüsho anihbuh yam ching yüzah. Jushu apinü arü khilim tsühyungpü mozümodojih, phaüm muyukkhi yikhap nung tüsho arünü tsüh.

MAHKHAPRÜ 13:15

Judüki Manoanü Atungpuh yunirü ki tha, “ Muzhobah aleangang, tüsho isanü nü thsungkheak mihnu nunu khülang mozümodoanü.”

MAHKHAPRÜ 6:17

Judüki anihbuhnü api ki tha, “Nü miki I muzhoa lasho, nünü I ki thakhi amütsan khülang huhang.

MAHKHAPRÜ 6:19

Judüki Gideonnü yüzahbah mihnu nunu khülang thsakham tüsho ayikangkang khahngak 10 lubah phaüm muyukkhi yikhap thsakham. Apinü shih ju muluk khülang ching yuk, tüsho shihkelam ju phüh ching yuk; tüsho apinü jurü thülamdung khüp api kilim handarü tüsho jih.