MAHKHAPRÜ 5:23 - AMÜSÜH HÜM CL Bible (BSI)

²³ Meroz athruang, Atungpuh yunirünü tha, ju ching larü khühde athruang, tümütüsho arünü Atungpuh rungde wuto azhihde keochihpü marü.

MAHKHAPRÜ 5:23 Iomraidhean Croise

NEHEMIA 3:5

Ju khin Tekoarübonü thsü, tüshe kiuto ching azorübonü arü limthorünü athiyikhi ching arü sühdukde mürhimorung.

MUNGSHIKHÜN 94:16

Amütsü rhimorü azhihde I thsungkheak shepü asürüba? Amülim rhimorü azhihde I thsungkheak shepü zhipba?

JEREMIA 48:10

Shepünü Atungpuh rhimo ching sühdukchonü muthrumünean; tüsho shepünü thiyih bukpü chingnü nukshang tuklochonü muthrumünean.

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

ROMRÜ KILIM PAULNÜ ATHRÜTKHI KIHÜM HUHTANYU 15:18

Inü athakhi tüsho arhimokhinü, khiungkerünü Thrünpuh ki mihyuanishihde Khristanü I hode akuk ngükhi kheak hode inü tümü she müthanü–

1 KORINT 16:22

Khürü Atungpuh thsungkheak amuzho mülasho, api muthrumüneanshang. O Atungpuh, arang!

1 KORINT 3:9

Tümüde isa ju Thrünpuh thsungkheak rukhüh rhimorü ah; nüsa ju Thrünpuh lu, Thrünpuh yam ah.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

MAHKHAPRÜ 13:3

Tüsho Atungpuh yunirü alibe ki akhiuk tüsho tha, “ Kheakü nü aniungyüh ah tüsho tsührü müla, tüshe nü büm makeangde akambah tüsho tsührü khülang labah.

MAHKHAPRÜ 2:1

Judüki Atungpuh yunirü Gilgal chingnü Bokim ching atu tüsho tha, “Inü nüsa Ijip chingnü bekhit tüsho inü nüsa jipürü ki alokhikhi lomi ching bedarü; tüsho inü tha, ‘Inü küyimkishe nüsa ki tangzüngkhi müthsümünim.

MAHKHAPRÜ 21:5

Israelrünü tha, “Israel trük alala bolungnü shepü Atungpuh miki amukhungrü lung marü le?” Tümüde arünü Mizpa ching Atungpuh miki maturü dünkheak thiyuchihchim ato khülang thsü, “ Tsükjide api asheshihbah.”

MAHKHAPRÜ 21:8

Tüsho arünü tha, “Israel trük chingnü shepü Atungpuh kilim Mizpa ching matu le?” Atsütsü, Jabesh-gilead chingnü sheshe amukhungrü lung binkheampung ching matu.

MAHKHAPRÜ 4:6

Alibenü Naphtali ching lakhi Kadesh ching Abinoam tsührü Barak kilim yüshihde tha, “Atungpuh Israel Thrünpuhnü nü ki thiyukhüm jihchoh: Yüang tüsho Naphtali le Zebulun mihtsürü 10,000 bebah Tabor wung lim yüang.

MAHKHAPRÜ 5:13

Judüki aninga larü arü limberübo azhihde aki; wuto azhihde Atungpuh I thsungkheaknü aki.

MAHKHAPRÜ 6:11

Kheakü Atungpuh yunirü Ophra ching arü tüsho Abiezerrü Joash yo thülamdung khüp bin. Api tsührü Gideon yukhu-nitpung ching wheat hi nitde alakheah, junangde Midiarü kheaknü jik.

MAHKHAPRÜ 8:5

Jumonü apinü Sukkoth mihtsürübo ki tha, “ Muzhobah I lung arürü kilim yikhap jihang, tümüde arü keaka lah, tüsho I Midia kiulongthsürü Zeba tüsho Zalmunna müshamchoh.”

MAHKHAPRÜ 8:6

Tüsho Sukkoth limberübonü tha, “Zeba le Zalmunna lah de isanü nü yo bonungrü kilim yikhap jihpü?”

MAHKHAPRÜ 8:8

Tüsho ju chingnü api Penuel ching wutu tüsho ju ruk lang arü ki tha; tüsho Sukkoth mihtsürübonü alokhi nangde Penuel mihtsürübonü api ki alo.

1 SAMUEL 17:47

tüsho junangde Atungpuhnü nukshang tüsho thsühnü mükhümkhit de ha amukhungrübonü amükheahbah; tümüde thirithsü ju Atungpuh yo tüsho apinü nüsa ju isa khah ching jihbah.”

1 SAMUEL 18:17

Judüki Saulnü David ki tha, “ Ha ching I tsührü adüjibe Merab lah; inü api nü kilim yamkhünbe thsüpü jihbah; I thsungkheaknü mulong ato thsang tüsho Atungpuh thirithsü ching keochihang.” Tümüde Saulnü lüm, “Inü api azhihde khah muchung; Filistiarünü ju rhimoshang.”

1 SAMUEL 25:28

Muzhobah nü yamlaberünü alakmihkhi neak bahjang; tümüde Atungpuhnü tsükjide I tungpuh kiulongthsürü kamshihbah, tümütüsho I tungpuhnü Atungpuh thirithsü keochihchoh; tüsho nü lakhi amuyung nü kheak amütsü rhimo müngü.

1 SAMUEL 26:19

Jumonü kheakü I tungpuh kiulongthsüpuhnü api yamlarü yu sojang. I kheak azhihde bukakhiukkhi ju Atungpuh hode thsüa lasho, apinü kingaün leangkhishang; tüshe ha mihtsürünü thsüa lasho, Atungpuh muthrumünean arü kheak yükihshang. Tümüde arünü khihni Atungpuh yamrüplurüp I shihcham chingnü yankhita bahde tha, ‘Yüang, püpürü thrünpuhbo tankihang.’