MAHKHAPRÜ 4:9 - AMÜSÜH HÜM CL Bible (BSI)

⁹ Jumonü anihbenü tha, “ Tsükjide I nü lung yübah; tüshe nü yüpü lakhi ching nü müretah müla, tümüde Atungpuhnü Sisera ju alibe kilim jihbah. Jumonü Deboranü Barak lung Kadesh ching yü.”

MAHKHAPRÜ 4:9 Iomraidhean Croise

2 KIUTHSÜYUKHEAN 26:18

arünü kiulongthsüpuh Uzzia azhihde zhip, tüsho api ki tha, “Uzzia, Atungpuh kilim nünü kingaünpü yung, tüshe kingaün jihpü müsühkhitkhi Aron tsühsoniusobo amükeamrübo thsungkheak ah. Arüngakopung chingnü wukhiukang; tümüde nünü amülim rhimodo, tüsho Atungpuh Thrünpuh kilimnü nü kilim tümü akinashu lude marü.”

MAHKHAPRÜ 2:14

Tüsho Israel azhihde Atungpuh bukakhiuk. Jumonü apinü arübo ju arü yankhia lurü khah ching jih; tüsho apinü arübo arü mühide lakhi thiriribo khah ching yinabah. Junangde arü riribo miki arübonü müzhipkhukde kam.

MAHKHAPRÜ 4:8

Tüsho Baraknü alibe ki tha, “Nünü I lung yüsho I ayübah, tüshe nü I lung müyüsho I müyü.”

MAHKHAPRÜ 9:53

Tüshe azoberü khürünü thsam khülang Abimelek ku kheak lah-a akishih tüsho akuro kingrüp.

MAHKHAPRÜ 9:54

Judüki apinü nahde api thsühnuk hanrü athrününgtsüng mihtsürü ki tha, “Nü nukshang dukkhitang tüsho I laksahang, jude yungsho mihtsürübonü athabah, ‘ Azoberü khülangnü api laksah-a lah.’” Jumonü api yo athrününgtsüngbuhnü api chinkhitde düchip tüsho sheabah.

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.