MAHKHAPRÜ 4:3 - AMÜSÜH HÜM CL Bible (BSI)

³ Tüsho Israelrünü Atungpuh ki zhi; tümüde Jabin a yinchi khoralolungbe 900 lakheah, tüsho apinü Israelrü kam muku juno.

MAHKHAPRÜ 4:3 Iomraidhean Croise

MUNGSHIKHÜN 106:42

Arü riribonü arü juno, tüsho arü khah ching laabahshih.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 78:34

Küyimki apinü arü khürü laksahkheanü, aninga larünü api yim; arünü mulong müthri tüsho azhihayihde Thrünpuh yim.

ABEKHIT 2:23

Kam ahihkhüh labah dunglim Ijip kiulongthsüpuh ju sheabah, tüshe Israelrübo küpkhuk alü kam, tüsho arünü azhorü kuhi chingnü ashede zhi, tüsho arünü azhikhi Thrünpuh khiung.

YUZÜNGTHALO 28:29

Müktukrü mihtsürünü amiting ching ajamkhi nangde nüsanü animuro ajambah; nüsanü arhimokhi ching nüsa alü müthsü; nüsa mutuklode ajunobah tüsho mülapyukbah, tüsho shenü nüsa mükhümkhit.

YUZÜNGTHALO 28:33

Nünü mümükheahkhi trükshihnü nü lo chingnü akhiukkhi sangaso tüsho nünü arhimokhitkhi tsühbah, tüsho nüsa mutuklode ajunobah tüsho azünakbah.

JIHUSUA 17:16

Arünü alo, “ Awung lominü isa musuhdah, tüsho adükhün ching larü Kananrü Beth-shan tüsho ju mühi kiulongbo le Jezreel jindükhün ane chido ching larübo yinchi lolungbe lah.”

MAHKHAPRÜ 1:19

Junangde Atungpuh Juda lung lakheah. Tüsho arünü müzüng lomi ching larü alala yankhitabah, tüshe arünü lokeam ching larübo a müyankhitkhuk tümütüsho arübo yinchi khora-lolungbebo lakheah.

MAHKHAPRÜ 10:10

Tüsho Israelrünü Atungpuh ki zhide tha, “Isanü nü azhihde neak yihbeakdo, tümütüsho isanü isa Thrünpuh bahyuk tüsho Baalbo tankih!”

MAHKHAPRÜ 10:16

Jumonü arünü khiungkerü thrünpuhbo arü bolungnü yihkhita bah tüsho A TUN GPU H tankih. Tüsho Israel thsünükhi apinü küruhkhüh marümkheamde alakheah.

MAHKHAPRÜ 3:15

Tüsho küyimki Israelrü tsührübonü Atungpuh ki zhikhea, Atungpuhnü bekhitshihpü Benjamin trük chingnü Gera tsührü Ehud, huzulimnü arhimobuh asürüshih. Israelrünü Moab kiulongthsüpuh Eglon kilim api kheaknü ruk mühah-a yüshih.

MAHKHAPRÜ 3:9

Küyimki Israelrünü Atungpuh ki zhikhea, Israelrü tsührübo bekhitpü thsungkheaknü Kenaz tsührü Kaleb niurü Othniel yüshih.

MAHKHAPRÜ 4:13

Jumonü Siseranü api yo yinchi khoralolungbe 900 tüsho api lung Harosheth Hagoyim khiungde alarübo jimukhung.

MAHKHAPRÜ 4:4

Ju kim ching Lapidoth niube wukihrü Debora ju Israel mahkhapde alakheah.

MAHKHAPRÜ 5:8

küyimki thrünpuhbo aso mokhitkhea, ripitbo ki thirithsü arü, tüsho Israel ching chithürü yirü bolung tsung yungsho thsüh khülang she müngü.

MAHKHAPRÜ 6:6

Tüsho Midiarü hode Israel khide akheamkhibe kamshih; tüsho Israel mihtsürünü Atungpuh ki arung thsungkheak zhi.

1 SAMUEL 7:8

Israel mihtsürübonü Samuel ki tha, “Isa thsungkheaknü Atungpuh isa Thrünpuh ki zhipü dütuklo, tüsho apinü isa Filistiarü khah chingnü akhümkhitshihpü tamkhüntamnüjang.”