MAHKHAPRÜ 4:16 - AMÜSÜH HÜM CL Bible (BSI)

¹⁶ Tüshe Baraknü khora-lolungbebo le bonungrü Harosheth Hagoyim khiungde müshamde yü, tüsho Sisera bonungrübo alala nukshangnü keamshih; mihtsürü khülang she maning.

MAHKHAPRÜ 4:16 Iomraidhean Croise

MUNGSHIKHÜN 104:35

Aneakrübo ju alomi chingnü muyuabahshang, tüsho mihbukmuyuk mülade kamshang. Atungpuh shiang, O I me! Atungpuh Shiang!

MUNGSHIKHÜN 83:10

Sherü Endor ching dükheak tüsho alo kheak sünit mujung nangde kam.

MUNGSHIKHÜN 83:9

Nünü Kishon Ayung ching Midiarü, Sisera tüsho Jabin kheak rhimokhi nangde arü kheak rhimoang.

ABEKHIT 14:28

Judüki kebo alodarübah khora-lolungbebo, khoraberübo, tüsho arü dunglim keto ching arükhi Pharao bonungrü alala zündo.

ISAIA 43:17

Shepünü khora-lolungbe tüsho khora bekhitcho, bonungrü tüsho thirithsürü; arü yaplah, arü masürükhuk, arübo zümüta lah, moke-liu nangde kunga lah:

ROMRÜ KILIM PAULNÜ ATHRÜTKHI KIHÜM HUHTANYU 2:12

Yakzan mübede neak yihbeakrü alala yakzan mübede adükheakbah, tüsho yakzan bukkhüpnü neak yihbeakrü alala yakzannü mahkhapbah.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

JIHUSUA 10:10

Tüsho Atungpuhnü arübo Israel müngüh yingyingde kamshih. Israelrübonü arü Gibeon ching laksah tüsho yande Beth-horon wutu limro khiung, tüsho Azeka le Makkeda khiungde laksah.

JIHUSUA 11:8

Atungpuhnü arübo Israelrü khah ching jih; Israelrübonü Misrephothmaim, Sidon, tüsho Mizpa jindükhün aniakhiuklim khiungde müshamde yan. Thiriri müshekhamyi khiungde arünü yande laksah.

MAHKHAPRÜ 4:17

Tüshe Sisera ju ajingnü tsokhitde Kenrü Heber yamkhünbe Jael yam ching yü; tümüde Hazor kiulongthsüpuh Jabin tüsho Kenrü Heber dükeak mungtsü lakheah.

MAHKHAPRÜ 4:2

Jumonü Atungpuhnü arübo Hazor ching yakzanshuhbuh Kanan kiulongthsüpuh Jabin khah ching jih. Tüsho api bonungrü abebuh ju Harosheth Hagoyim ching lakhi Sisera lakheah.