MAHKHAPRÜ 4:11 - AMÜSÜH HÜM CL Bible (BSI)

¹¹ Kheakü Mosa akü Hobab tsühsoniuso Kenrü Hebernü anihbuh Kenrü kheaknü chamkhi tüsho Kadesh yean Zaanaim ching thülamsang phünide api khimyam thsü.

MAHKHAPRÜ 4:11 Iomraidhean Croise

ABEKHIT 18:1

Mosa akü Jethro, Midia amükeamrü, apinü Mosa tüsho Israelrübo Ijip lomi chingnü Thrünpuhnü küruk bekhitkheanü alala so.

ABEKHIT 2:18

Küyimki anünürübo ju arü abuh kilim arükhea, apinü arü ki keokhi, “Tümü thsükhi khihni a nüsa hade nahnah alungcho?”

ABEKHIT 3:1

Kheakü Mosanü Midiarü amükeamrü akü Jethro yo namfimihnubo neakde alakheah. Apinü namfimihnubo ju loshelo hode bede yübah Thrünpuh wung Horeb ching arü.

WÜHKHE 10:29

Mosanü Midiarü Reuel tsührü akü Hobab ki tha, “Atungpuhnü , ‘ Inü ha nüsa kilim jihbah’ de thakhi dangpung ching yüpü isa tsahmusuchoh; isa lung arang, tüsho isanü nüsa tsüde amütrübah, tümüde Atungpuhnü Israel ki atsü alokhido.”

WÜHKHE 10:32

Nünü isa lung arüsho Atungpuhnü isa kheak tümüpürü atsü rhimobanü, isanü nü kheak ju ruk rhimobah.”

WÜHKHE 24:21

Tüsho apinü Kenrü kheahbah müchit: “Nüsa lapung dükünglah, nüsa sap lungto ching thsülah;

JIHUSUA 19:33

Tüsho aredung ju Heleph kheaknü Zaanannim ching lakhi thülamdung hode, Adaminekeb, Jamnia, tüsho Lakkum khiung; tüsho Jordan kheaknü arün ah;

JIHUSUA 19:37

Kedesh, Edrei, Enhazor,

MAHKHAPRÜ 1:16

Kheakü Kenrü tsühsoniuso Mosa akü Hobab ju ashidung kiuto chingnü Juda mihtsürübo bebah Arad phüni Negeb ching lakhi Juda sunglo ching wutu. Tüsho arünü yübah Amalekrü lung laabah.

MAHKHAPRÜ 4:12

Tüsho Abinoam tsührü Barak ju Tabor wung ching wutudo de arünü Sisera ki thiyusheak jih.

MAHKHAPRÜ 4:6

Alibenü Naphtali ching lakhi Kadesh ching Abinoam tsührü Barak kilim yüshihde tha, “Atungpuh Israel Thrünpuhnü nü ki thiyukhüm jihchoh: Yüang tüsho Naphtali le Zebulun mihtsürü 10,000 bebah Tabor wung lim yüang.

1 SAMUEL 15:6

Saulnü Kenrü ki tha, “Yüang! Tsoang! Amalekrü kheaknü tsoang, jude yungsho inü nüsa arü bolungnü adükheakshihbah; tümüde nüsanü Israel mihtsürü Ijip chingnü akhiukchoki alala ki mihmuzho huhdo.” Jumonü Kenrübonü Amalekrü kheaknü chamkhi.

1 SAMUEL 27:10

Judüki Akishnü keokhi, “ Khihni nü she azhihde thirithsükhea?” Davidnü alo, “ Judarü Negeb azhihde,” yungsho “ Jerameelrü Negeb azhihde,” yungsho, “ Kenrü Negeb azhihde.”