MAHKHAPRÜ 3:7 - AMÜSÜH HÜM CL Bible (BSI)

⁷ Jumonü Israelrünü Atungpuh arü Thrünpuh mihabahbah, A TUN GPU H miki amütsü rhimo, tüsho Baal le Ashera sangthsü kingaün.

MAHKHAPRÜ 3:7 Iomraidhean Croise

1 KIULONG THSÜRÜ 16:33

Ahabnü Ashera sangthsü she thsü. Ahabnü api müngüh larü Israel kiulongthsürübo kheaknü alü thsüde Israel Thrünpuh, Atungpuh bukakhiukshihde rhimo.

1 KIULONG THSÜRÜ 18:19

Kheakü jumonü Jezebel dükhüm kheak yimtsührü Baal wukihrü 450 tüsho Ashera wukihrü 400 lung Israel alala Karmel wung kheak I ki bemukhungang.”

2 KIULONG THSÜRÜ 23:14

Apinü dungjingbo adütre kamde yihthünak, Ashera sangthsübo kiushak, tüsho ju dangpungbo ching mihtsürü robonü danglo.

2 KIULONG THSÜRÜ 23:6

Apinü Atungpuh yam chingnü Ashera sangthsü yihkhitbah Jirusalem aleanglim, Kidron ayung lim lude yünü takbah asungthulung kamde kingnak tüsho asungthulung ju mihtsürü dümung kiuyukbo kheak bah.

2 KIUTHSÜYUKHEAN 15:16

Kiulongthsüpuh Asanü abe Maaka she kiulongthsüberü chingnü yihkhita bah tümütüsho alibenü Ashera thsungkheaknü athraneanbe sangthsü khülang thsü. Asanü anihbe sangthsü kiukheam, züthünak, tüsho Kidron ayung chingnü takabah.

2 KIUTHSÜYUKHEAN 24:18

Arünü Atungpuh arü jipürü Thrünpuh yam bahyuk, tüsho Ashera sangthsübo tankih. Tüsho arü amülim ha dünkheaknü Juda tüsho Jirusalem kheak Thrünpuh bukakhiukkhi arü.

2 KIUTHSÜYUKHEAN 33:19

Api tamkhüntamnü, tüsho künangde Thrünpuhnü api tamkhüntamnü leangkhikhea, api neak alala tüsho api akin mülakhi, api mulong mümüthrichoki achang dangpungbo thsübah Ashera sangthsübo zhipshihkhi lopungbo angürü yukhean ching thrüta lah.

2 KIUTHSÜYUKHEAN 33:3

Tümüde apinü abuh Hezekianü thokheamkhi achang dangpungbo thsülo, tüsho Baalbo kilim kingaün sadambo thsü, Ashera sangthsübo thsü, chiningbo kingaün tüsho arübo tankih.

2 KIUTHSÜYUKHEAN 34:3

Tümüde kam tizheahpü ching api kiulongthsüchoki, api azürü nunu lachoki, apinü anihbuh jipürü David Thrünpuh yimpü tankih, tüsho kam thürükheak mahnepü ching apinü Juda tüsho Jirusalem achang dangpungbo Ashera sangthsübo, tüsho asümkhi le azünkhi sangthsübo thsümünimpü tankih.

2 KIUTHSÜYUKHEAN 34:7

apinü kingaün sadambo lukkheam, Ashera sangthsübo adübün kamde kingnak, tüsho rhümthüneabe kingaün sadambo alala Israel lomi alala ching thsümünim. Jushu api Jirusalem lim alode yü.

MUNGSHIKHÜN 106:35

tüshe arünü khiungkerü lung yihluachih tüsho arü rhimobo anikhit;

MUNGSHIKHÜN 106:36

arünü arü sangthsübo tankih, ju arü ki qimürip kamabah.

MUNGSHIKHÜN 106:7

Isa jipürübonü Ijip ching nü amüyinsahbebo manikhit; arünü mükhebinkhi nü amüthsümbo mülümkhit, tüshe Amürüm Keto yeannü Wutobuh azhih.

ABEKHIT 34:13

Arü kingaün sadam lukkheamjang, amüsüh dungjing kingkheamang, tüsho sangthsübo kiukheamang.

JEREMIA 23:27

Arü jipürünü I mihbah Baal kilim rholokhi nangde I mihtsürübonü arü milim kheankhinü I mung mihshihpü arünü lümchoh.

YUZÜNGTHALO 16:21

“Nünü Atungpuh nü Thrünpuh kingaün sadam thsükhi ki sangthsü tümü dükhim.

YUZÜNGTHALO 4:9

Nüsa thsungkheaknü mük-yukde kümkangang, jude müthsüsho nüsa müknü angükhi mihabahbah, tüsho nüsa rhangdung lakhi amuyung nüsa mulong chingnü chamkhide atsobah. Tüsho jurübo nüsa tsührübo le tsühsoniusobo ki thsangyuang,

YUZÜNGTHALO 8:11

“Nüsanü api yukhümbo, yuzüngbo, yakzanbo, küpü inü khihni nüsa ki thiyukhüm jihchonü harü manikhi hode Atungpuh mihamübahpü kümkangang.

YUZÜNGTHALO 8:14

nüsa mulong ching kükheangbah tüsho Ijip azhorü lo chingnü nüsa bekhitbuh Atungpuh nüsa Thrünpuh mihabahbah.

YUZÜNGTHALO 8:18

Tüshe Atungpuh nüsa Thrünpuh lümkhitang, tümüde lakhit ngüpü apinü wu-sühmüh nüsa kilim jihchoh, junangde nüsa khihni lakhi nangde, apinü nüsa bebuhrü ki tangzüngkhi düküngloshihba.

MAHKHAPRÜ 3:12

Kheaküshe Israelrünü A TUN GPU H miki amütsü rhimo; jumonü Atungpuhnü Moab kiulongthsüpuh ju Israel azhihde reangzahshih.

MAHKHAPRÜ 3:8

Jumonü Atungpuhnü Israelrü kheak bukakhiuk tüsho apinü arübo Mesopotamia kiulongthsüpuh Kushan-rishathaim khah ching yinabah; tüsho Israel tsührübonü kam tizheah Kushan-rishathaim tankih.

MAHKHAPRÜ 6:25

Ju tsüngre Atungpuhnü api ki tha, “Nü buh moshipung tüsho mahnepü moshipung kam thüne thsükhi luang, tüsho nü buh yo Baal kingaün sadam lukkheamang, tüsho ju ki sangthsü kiukheamang;

MAHKHAPRÜ 8:33

Tüsho Gideon she yanalünde Israelrünü Baalbo kingaün, tüsho Baal-berith ju arü thrünpuh kamshih.

MAHKHAPRÜ 8:34

Junangde Israelrünü amühi aban arü riri khah chingnü arü bekhitbuh arü Thrünpuh, Atungpuh mülümkhit;

1 SAMUEL 12:10

Judüki arünü Atungpuh ki zhi, tüsho tha, ‘Isanü neak yihbeakdo, tümütüsho isanü A TUN GPU H bahyuk, tüsho Baalbo le Astarbo tankih; tüshe kheakü isa riri khah chingnü isa khümkhitang, tüsho isanü nü tankihbah.’

1 SAMUEL 12:9

Tüshe arünü Atungpuh arü Thrünpuh mihabah; tüsho apinü arübo Hazor kiulongthsüpuh Jabin bonungrü limthobuh Sisera, Filistiarü, tüsho Moab kiulongthsüpuh khah ching yinabah; tüsho arünü arü azhihde keochih.