MAHKHAPRÜ 3:31 - AMÜSÜH HÜM CL Bible (BSI)

³¹ Api dunglim limberü Anath tsührü Shamgar lakheah. Apinü moshi kitbe-tsonü Filistiarü 600 laksah; tüsho apinü she Israel bekhit.

MAHKHAPRÜ 3:31 Iomraidhean Croise

1 KORINT 1:17

Tümüde Khristanü baptipü I thiyikhi yung tüshe thiyusheak-atsü thsangyuthsangrapü ah, tüsho lümlung yu bede yung, jude yungsho Khrista sangkim wu akeangkeang kambah.

MAHKHAPRÜ 10:11

Jumonü Atungpuhnü Israelrü ki tha, “Inü nüsa Ijiprü, Amorrü, Amonrü tüsho Filistiarü kheaknü abekhitkhi yung de?

MAHKHAPRÜ 10:17

Judüki Amon mihtsürübo rukhüh mukhungde Gilead ching arü. Tüsho Israelrünü Mizpa ching mukhung.

MAHKHAPRÜ 10:7

Jumonü Israel azhihde Atungpuh bukakhiuk; tüsho apinü arübo Filistia le Amon mihtsürü khah ching yinabah.

MAHKHAPRÜ 15:15

Apinü donki mükhühnuk aso khülang ngükhi akhah chunga yüshihbah ju lu, tüsho junü mihtsürü 1000 laksah.

MAHKHAPRÜ 2:16

Judüki Atungpuhnü arü yankhia lurü khah chingnü bekhitrü mahkhaprübo asürüshih.

MAHKHAPRÜ 3:30

Ju ni Moabrü ju Israelrü bukkhüp yüzahabah, tüsho lomi ching kam zheahrü mungtsü lakheah.

MAHKHAPRÜ 4:1

Ehud she dunglim Israel mihtsürübonü Atungpuh miki amütsü rhimolo.

MAHKHAPRÜ 5:6

Anath tsührü, Shamgar nimungbo ching limtobo ching mütsahdebah tüsho hantsahrübonü limkeanganubo chingnü tsah.

MAHKHAPRÜ 5:8

küyimki thrünpuhbo aso mokhitkhea, ripitbo ki thirithsü arü, tüsho Israel ching chithürü yirü bolung tsung yungsho thsüh khülang she müngü.

1 SAMUEL 12:9

Tüshe arünü Atungpuh arü Thrünpuh mihabah; tüsho apinü arübo Hazor kiulongthsüpuh Jabin bonungrü limthobuh Sisera, Filistiarü, tüsho Moab kiulongthsüpuh khah ching yinabah; tüsho arünü arü azhihde keochih.

1 SAMUEL 17:47

tüsho junangde Atungpuhnü nukshang tüsho thsühnü mükhümkhit de ha amukhungrübonü amükheahbah; tümüde thirithsü ju Atungpuh yo tüsho apinü nüsa ju isa khah ching jihbah.”

1 SAMUEL 17:50

Jumonü Davidnü nukshang mushuhde lunghitliu khülang tüsho lung khülangnü Goliath kinga lungshih tüsho api laksah.

1 SAMUEL 4:1

Tüsho Samuelnü athakhi Israel alala kilim arü. Judüki Filistiarünü Israel bede keochihpü thsakhambah alakheah, tüsho Israelnü arü bede keochihpü tsahmusude yü; arü Ebenezer ching bin, tüsho Filistiarü Aphek ching bin.