MAHKHAPRÜ 3:3 - AMÜSÜH HÜM CL Bible (BSI)

³ Filistiarü yakzanshuhrü phüngü, Kananrü alala, Sidonrü tüsho Baal-hermon chingnü Lebo-hamath khiungde Lebanon Müzüng kheak larü Hivrübo.

MAHKHAPRÜ 3:3 Iomraidhean Croise

THRÜNTAN 49:13

Zebulun a keto yean labah; ju sangkungbo zopung thsübah tüsho api aredung ju Sidon kheak labah. @SPACE=

2 SAMUEL 24:7

tüsho Tair chipi le Hivrü tüsho Kananrü kiutobo alala ching arü; tüsho arü Juda lomi Negeb thrip Beersheba ching yü.

1 KIULONG THSÜRÜ 8:65

Junangde Solomonnü api lung Lebo-hamath kheaknü Ijip ayung khiungde boto ato tüsho Israel alala bebah Atungpuh isa Thrünpuh miki nimung thüne thünio mung.

1 KIULONG THSÜRÜ 9:20

Mihtsürü alala Amorrü, Hitrü, Perizrü, Hivrü, tüsho Jebusrü, sherübo Israel yungde alakhea–

EZEKIEL 47:20

Aniyüzahlim thrip, Lebo-hamath mikhuh kheak Ato Keto ju aredung labah. Ha aniyüzahlim thrip labah.

WÜHKHE 13:29

Amalekrü düjing lomi ching lah, Hitrü, Jebus, tüsho Amorrübo awungbo ching lachoh; tüsho Kananrü Mediterranean keto yean le Jordan keto yean ching lah.”

WÜHKHE 34:8

Hor Müzüng kheaknü Hamath limro khiungde aredung yukang; jushu aredung yuklangde Zedad khiungbah;

YUZÜNGTHALO 1:7

Rholoang tüsho nüsa tsahmusuang, tüsho Amorrü wungbo, adükhün ching lakhi phünirü lapungbo, awungbo tüsho lokeambo, düjinglim tüsho keto yean Kanan tüsho Lebanonrü lo ching, Euphra yung ato khiungde yüang.

YUZÜNGTHALO 3:9

(Sidonrünü Hermon ki Sirion tüsho Amorrünü Senir de jichoh.)

JIHUSUA 11:19

Israelrü kheak mungtsükhi kiuto Hivrü lapung Gibeon ju lang alakheah; püpü alala keochihpung kamabah.

JIHUSUA 11:3

Tüsho apinü thiyusheakbo Jordan thrip abande alarü Kananrü, Amonrü, Hitrü, Perizrü, awung lomi ching Jebusrü, tüsho Mizpa lomi Hermon ching larü Hivrü kilim yüshih.

JIHUSUA 13:3

tüsho düjinglim Avvim lomi alala. (Ijip aredung yean ching Shihor kenü lo chingnü Ekron aredung yean dukulim khiungde Kananrü de ajikheah; Filistiarü yakzanshuhrü phüngü ju Gaza, Ashdod, Ashkelon, Gath, tüsho Ekron ching lakheah.)

JIHUSUA 13:5

Gebalrü lo tüsho Baalgad chingnü Hermon wung khüp Lebo-hamath limpeang Lebanon aniakhiuklim alala,

JIHUSUA 19:28

Ebron, Rehob, Hammon, Kana tüsho Ato Sidon khiunglah;

JIHUSUA 9:7

Tüshe Israelrübonü Hivrü ki tha, “ Tümüde isanü nüsa kheak binthrüm thsüpü? Khükijua nüsa a le aphüni larü labah.”

MAHKHAPRÜ 10:12

Kheaküshe Sidonrü, Amalekrü, tüsho Maonrünü nüsa juno; nüsanü I ki zhi tüsho inü arü khah chingnü nüsa bekhit.

MAHKHAPRÜ 10:7

Jumonü Israel azhihde Atungpuh bukakhiuk; tüsho apinü arübo Filistia le Amon mihtsürü khah ching yinabah.

MAHKHAPRÜ 14:4

Tüshe abuh le abe bünenü ha Filistiarü azhihde Atungpuhnü kim akhuchoh de mümükheah. Tümüde ju kim ching Filistiarünü Israel kurungkheak yakzan shuhde alakheah.

MAHKHAPRÜ 18:7

Jumonü mihtsürü phüngü ju chamachih tüsho Laish ching yü. Ju ching mihtsürübo ju Sidonrü yakli nangde keamramde tüsho kuram tsükhi ching lakheah. Arü ki achih kippü thsüde lomi ching yakzanshuhrü mülakheah. Arübo Sidonrü kheaknü limshude alakheah tüsho she kheak she chingkihachihde müla.

MAHKHAPRÜ 3:2

(Ha hodü lang Israel tsührübo püpüki thiri müthsüakheahrü ki thsangyupü lakheah):

MAHKHAPRÜ 4:2

Jumonü Atungpuhnü arübo Hazor ching yakzanshuhbuh Kanan kiulongthsüpuh Jabin khah ching jih. Tüsho api bonungrü abebuh ju Harosheth Hagoyim ching lakhi Sisera lakheah.

1 SAMUEL 13:5

Filistiarünü Israel kheak keochihpü thsüde khora-lolungbe 30,000, khoraberü 6000 tüsho thirithsürü mih hihde keyean loyi nangde trüngmukhung; arünü atu tüsho Beth-aven aniakhiuklim Mikmash ching bin.

1 SAMUEL 29:2

Filistia kiulongthsürübo chi tüsho chithürübo bebah tsahhochoki, David tüsho api mihtsürübo a nükde Akish lung tsah.

1 SAMUEL 6:16

Küyimki Filistiarü kiulongthsürü phüngünü ju ngükhea, arü ju nimungnü Ekron lim alodarü.

1 SAMUEL 6:18

kheaküshe suna phihnubo kiulongthsürü phüngü lapung Filistia kiutobo ayannü, chipi ayünkhi kiutobo tüsho mayünkhi kiulongbo. Arünü Atungpuh sangdan zokhi lung ato ju Beth-shemeshrü Jihusua lu ching khihni khiungde thiyumütsan thsüde lah.

1 SAMUEL 6:4

Tüsho arünü tha, “ Api lung yüshihpü thsüde amülimkhi kingaün ju tümü a?” Arünü alo, “Filistia kiulongthsürü abande arümnü akhiukshihkhi suna mü phüngü tüsho suna phihnu phüngü; tümüde ha arüm nüsa le nüsa kiulongthsürübo kheak lakheah.