MAHKHAPRÜ 3:28 - AMÜSÜH HÜM CL Bible (BSI)

²⁸ Judüki apinü arü ki tha, “I dunglim yanang, tümüde Atungpuhnü nüsa riri Moabrü nüsa khah ching jihdo.” Jumonü arünü Moab lim yüpü Jordan dükihhopung zhipdo, tüsho sheshe muhoshih.

MAHKHAPRÜ 3:28 Iomraidhean Croise

1 KIULONG THSÜRÜ 20:21

Israel kiulongthsüpuhnü wukhiukbah khorabo le khoralolungbebo yankhia lu, tüsho Siriarü kuk.

JIHUSUA 2:7

Kiulongthsüpuh bonungrübo tsahmusu, tüsho chipi ju rihabah. Arü Israelrü thirirhurü kheahde Jordan hode ayükhi limro khiungde yü.

MAHKHAPRÜ 10:11

Jumonü Atungpuhnü Israelrü ki tha, “Inü nüsa Ijiprü, Amorrü, Amonrü tüsho Filistiarü kheaknü abekhitkhi yung de?

MAHKHAPRÜ 12:5

Ephraimrü mukhiungyide Gileadrünü Jordan dükihhopung yandoabah. Ephraimrü atsokhitrü khürünü tha, “I dükihhoanü,” Gilead mihtsürübonü api ki tha, “Nü Ephraimrü a de?” Apinü, “Yung,” de thasho,

MAHKHAPRÜ 3:29

Ju kim ching arünü Moabrü 10,000 bande, athrungrü khülang she mutsokhitshihde laksah.

MAHKHAPRÜ 4:10

Tüsho Baraknü Zebulun tüsho Naphtali ju Kadesh ching ji; tüsho mihtsürü 10,000 api lung yü; tüsho Debora api lung yü.

MAHKHAPRÜ 7:14

Tüsho amüyambuhnü alo, “ Ha Joash tsührü, Israel mihtsürü Gideon nukshang labah; Thrünpuhnü api khah ching Midiarü tüsho bonungrü alala jihdo.”

MAHKHAPRÜ 7:15

Küyimki Gideonnü milim kheankhi tüsho thanakkhi sokhea, apinü kingaün; tüsho apinü Israel binkheampung ching rholode yü, tüsho tha, “ Asürang; tümüde Atungpuhnü Midia bonungrü nüsa khah ching jihdo.”

MAHKHAPRÜ 7:17

Tüsho apinü arü ki tha, “I kilim kheahang, tüsho junangde thsü; küyimki I binkheampung ki arübanü inü athsükhi ruk thsang.

MAHKHAPRÜ 7:24

Judüki Gideonnü Ephraim awung lomi alala ching yunithsürü thiyia yüshih, “ Midiarü azhihde akiang tüsho Beth-bara le Jordan kebo khiungde kapdoang.” Jumonü Ephraim mihtsürü alala jikhit, tüsho Beth-bara le Jordan khiungde kebo kapdo.

MAHKHAPRÜ 7:9

Ju tsüngre Atungpuhnü api ki tha, “ Asürang, binkheampung azhihde yükiang; tümüde inü ju nü khah ching jihdo.

1 SAMUEL 17:47

tüsho junangde Atungpuhnü nukshang tüsho thsühnü mükhümkhit de ha amukhungrübonü amükheahbah; tümüde thirithsü ju Atungpuh yo tüsho apinü nüsa ju isa khah ching jihbah.”