MAHKHAPRÜ 3:21 - AMÜSÜH HÜM CL Bible (BSI)

²¹ Judüki Ehudnü akhah huzulim chungkhitbah achim tsülimnü nuk lu tüsho abuk ching düchipyukjih;

MAHKHAPRÜ 3:21 Iomraidhean Croise

JOB HU H T ANYU 20:25

Ju api düthsün chingnü thokhitchoh, tüsho api su chingnü azhingzhing athsokih-a akhiukchoh; atrebe api kheak arüchoh.

ZEKARIA 13:3

Tüsho mürangkhüh wukihrü khürü akhiuksho, arü abuh tüsho arü zübekhi berübonü athabah, “ Nü ashebah, tümüde nünü Atungpuh mung ching akeangyu asukchoh;” tüsho arü züberü arü abuh tüsho berübonü arünü müchitchoki arü chinkhitshihbah.

2 KORINT 5:16

Jumonü kheakünü ründe isanü sheshe mihtsürü lalim yande mükheahyuk; isanü khülang ki Khrista ju mihtsürü lalim yande kheahyuka lalashe kheaküa isanü api ju jude müthsü.

MAHKHAPRÜ 3:16

Ehudnü nuk khülang thripkhüh thripkhüh ahüyuk, ashanglim khahnap 1nü thsü; tüsho apinü akhim alunglimnü achim tsülimpeang rüma lu.

MAHKHAPRÜ 3:20

Api arüngmükhing yam achangbe khiungshak ching alangzü binde alachoki Ehudnü api ki arübah tha, “ Thrünpuh kilimnü nü thsungkheak thiyusheak khülang lah.” Jumonü apinü abinpung chingnü asürü.

MAHKHAPRÜ 3:22

tüsho nukphi she alala yüzahabah, tüsho amüdangnü nuk ju müleamdo, tümüde apinü abuk chingnü nuk mudukkhit; tüsho bukningbo müleamkhit.

1 SAMUEL 15:33

Tüshe Samuelnü tha, “Nü nukshangnü aliberübo aniungyüh kamshihdo, jumonü aliberü bolung nü be a aniungyüh labah.” Tüsho Samuelnü Agag ju Gilgal ching Atungpuh miki adütre kamde khapthünak.