MAHKHAPRÜ 3:16 - AMÜSÜH HÜM CL Bible (BSI)

¹⁶ Ehudnü nuk khülang thripkhüh thripkhüh ahüyuk, ashanglim khahnap 1nü thsü; tüsho apinü akhim alunglimnü achim tsülimpeang rüma lu.

MAHKHAPRÜ 3:16 Iomraidhean Croise

2 SAMUEL 20:8

Küyimki arübo Gibeon ching lakhi lung ato ki lakhea, Amasanü arü shorupü arü. Kheakü Joab ju bonungrü khimmih yih tüsho ju kheak nukshang zahkhi nuktrüp bede pangrümbe achim kheak rümkih; api mikhuhlim yüde lachoki ju chinkhit.

MUNGSHIKHÜN 149:6

Arünü arü khah ching ayuk nukshangbo shuhbah achangnü zhide Atungpuh shishang,

MUNGSHIKHÜN 45:3

Nü müretah tüsho nü wüntre-müretah, nü nukshang nü chim kheak rümkihang, O Wutobuh!

KHÜNBOLUNGKHÜN 3:8

Arü alala nukshang nolah tüsho thirithsü ching athsüso, mihbüm abannü azhing ching trekhinü nukshang nozhilah.

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

AMIKHEAKAKHIUKKHI 1:16

api khah tsülim apinü chining thüne shuh, amün chingnü nukshang khülang khülim khülim ahüyuk akhiuk, tüsho api miro ju ani müzhakde athsahkhi nangde alakheah.

AMIKHEAKAKHIUKKHI 2:12

“Tüsho Pergamum ching borü yunirü ki thrütang: ‘Khülim khülim ahüyuk nukshang labuh yubo.

MAHKHAPRÜ 3:15

Tüsho küyimki Israelrü tsührübonü Atungpuh ki zhikhea, Atungpuhnü bekhitshihpü Benjamin trük chingnü Gera tsührü Ehud, huzulimnü arhimobuh asürüshih. Israelrünü Moab kiulongthsüpuh Eglon kilim api kheaknü ruk mühah-a yüshih.

MAHKHAPRÜ 3:17

Junangde apinü Moab kiulongthsüpuh Eglon kilim thsambah jih. Eglon kiulongthsüpuh ju khide shihkihrü mihtsürü lakheah.

MAHKHAPRÜ 3:21

Judüki Ehudnü akhah huzulim chungkhitbah achim tsülimnü nuk lu tüsho abuk ching düchipyukjih;