MAHKHAPRÜ 21:6 - AMÜSÜH HÜM CL Bible (BSI)

⁶ Tüsho Israelrünü arü keoniorü Benjamin dünkheak mulong rozhakde tha, “ Khihni Israel chingnü trük khülang yihkhita bahdo.

MAHKHAPRÜ 21:6 Iomraidhean Croise

2 SAMUEL 2:26

Judüki Abnernü Joab ki ji, “Isa lünnü keochihde ayüba de? Akheam ching akhüh labah de nünü mümükheah de? Nü mihtsürü ki thiyukhüm jih-a nihbuh keoniorü müshamkhi chingnü atsoloshihpü külokhüh laba?”

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

MAHKHAPRÜ 11:35

Küyimki apinü alibe ngükhea, apinü akhim thorüp tüsho zhi, “O! I tsah-a! Nünü I mulong rozhakde thsünüshihdo, tümütüsho inü Atungpuh kilim müthsümünimpü thsüde thiyuchihchim khülang thsüdo.”

MAHKHAPRÜ 20:23

Israelrünü wutu tüsho arelim khiungde Atungpuh ki trip tüsho Atungpuh ki keokhi. Arünü tha, “Isanü isa keoniorü Benjamin bede keochihpü yüloba shi?” Atungpuhnü alo, “ Arü azhihde wutuang.”

MAHKHAPRÜ 21:15

Tüsho mihtsürübonü Benjamin thsungkheak mulong rozhak, tümütüsho Atungpuhnü Israel trük bolung ching akeangkeang khülang akhiukshih.

MAHKHAPRÜ 21:5

Israelrünü tha, “Israel trük alala bolungnü shepü Atungpuh miki amukhungrü lung marü le?” Tümüde arünü Mizpa ching Atungpuh miki maturü dünkheak thiyuchihchim ato khülang thsü, “ Tsükjide api asheshihbah.”

MAHKHAPRÜ 21:7

Aninga larübo niuberü thsungkheak isanü küde athsüba, tümüde isanü arü kilim isa tsührübo mürhangshih de Atungpuh ki thiyuchihchimdo.”