MAHKHAPRÜ 21:25 - AMÜSÜH HÜM CL Bible (BSI)

²⁵ Ju kim ching Israel ching kiulongthsürü mülade alakheah; mihbüm abannü nihbuh mük ki tümü alungkianü ju rhimo.

MAHKHAPRÜ 21:25 Iomraidhean Croise

MUNGSHIKHÜN 12:4

arünü tha, “Isa mulonü isanü akukbah, isa münküp isa lung lah; isa putungrü she a?”

MÜCHITMUDU 14:12

Mihtsürü ki limro khülang alungki nangde lah, tüshe ha akheam ju ashekhi lah.

MÜCHITMUDU 3:5

Nü mulong athrünkhinü Atungpuh kheak kinang tüsho nü anikhitkhi kheak dangükih;

T H S AN GYU T H S AN GR ARÜ 11:9

Athunu mihtsürü, nü athunu kim ching asühang, tüsho nü athunu nimungbo ching nü mulong asühshang. Nü mulongnü abekhi tüsho nü müknü angükhi yanang, tüshe harü alala thsungkheak Thrünpuhnü mahkhap ching hande arübah de mükheahang.

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

ISAIA 66:3

Sherünü moshipung laksahchonü mihtsürü laksahrü ruk; sherünü namfimihnununü kingaünchonü, khihnu hung yihshakrü ruk; sherünü hi kingaün jihchonü, kheaknu thiyih jihrü ruk; sherünü mümihpü jinjinlak jihchonü, sangthsü ki tamkhüntamnükhi ruk ah. Harünü arü nihbuh limrobo mokhitdo, tüsho arü athraneanbebo ching arü menü asühchoh;

YUZÜNGTHALO 12:8

“Ha ching khihni isa mihtsürü abannü nihbuh künkhi rhimokhi nangde nüsanü dürhimo;

MAHKHAPRÜ 17:6

Judüki nimungbo ching Israel ching kiulongthsürü mülakheah; mihbüm abannü nihbuh mük ki tümü alungkianü ju rhimo.

MAHKHAPRÜ 18:1

Judüki nimungbo ching Israel ching kiulongthsürübo mülade alakheah. Tüsho Dan trük arü lapung yimde alakheah, tümüde Israel trük bolung arü alo müngüyide alakheah.

MAHKHAPRÜ 18:7

Jumonü mihtsürü phüngü ju chamachih tüsho Laish ching yü. Ju ching mihtsürübo ju Sidonrü yakli nangde keamramde tüsho kuram tsükhi ching lakheah. Arü ki achih kippü thsüde lomi ching yakzanshuhrü mülakheah. Arübo Sidonrü kheaknü limshude alakheah tüsho she kheak she chingkihachihde müla.

MAHKHAPRÜ 19:1

Judüki nimungbo ching Israel ching kiulongthsürü mülade alakheah. Kheakü Ephraim awung lomi ashang ching lakhi Levirü khülangnü Juda ching lakhi Bethlehem chingnü hanniube khülang lu.

MAHKHAPRÜ 21:24

Jumonü Israel mihtsürü abannü ju kim ching chamachihde nihbuh trük, yamkhün tüsho nihbuh yamrüplurüp lim yü.