MAHKHAPRÜ 21:2 - AMÜSÜH HÜM CL Bible (BSI)

² Judüki mihtsürübonü Thrünpuh yam ching yü tüsho arelim khiungde Thrünpuh miki ju ching la. Arünü arü düsheak achangnü düsüknimde trip,

MAHKHAPRÜ 21:2 Iomraidhean Croise

THRÜNTAN 27:38

Esaunü abuh ki tha, “Abuh, nü müngühmühi khülang lang lade? Abuh I she müngühjang!” Tüsho Esaunü adüsheak achangnü trip.

JIHUSUA 18:1

Arünü alomi kukkhit dunglim mükühabahshu, Israelrü lüpdükhi Shilo ching mukhung tüsho Atungpuh shorupung khimyam khülang thsü.

MAHKHAPRÜ 2:4

Junangde küyimki Atungpuh yunirünü Israelrü alala ki thiyu harü ha asukkhea, mihtsürübonü arü düsheak achangnü trip.

MAHKHAPRÜ 20:18

Tüsho Israel mihtsürünü asürübah Thrünpuh lümkhi keopü Thrünpuh yam ching wutu. Arünü tha, “Benjamin mihtsürü bede keochihpü isa shepü akhuhde awutuba?” Atungpuhnü alo, “ Juda akhuhde awutubah.”

MAHKHAPRÜ 20:23

Israelrünü wutu tüsho arelim khiungde Atungpuh ki trip tüsho Atungpuh ki keokhi. Arünü tha, “Isanü isa keoniorü Benjamin bede keochihpü yüloba shi?” Atungpuhnü alo, “ Arü azhihde wutuang.”

MAHKHAPRÜ 20:26

Judüki Israel mihtsürü bonungrü athrünkhi wutubah Bethel ching arü tüsho trip; arünü Atungpuh miki bin tüsho ju nimung arelim khiungde khümkeak thsü, tüsho Atungpuh miki taka kingaünkhi le mungtsü kingaünbo jih.

MAHKHAPRÜ 21:12

Junangde arünü Jabesh-gilead ching larü atsangkhit anünürü athrürü lung munungrü 400 yimkhit; tüsho arübo Kanan lomi ching lakhi Shilo binkheampung ching bedarü.

MAHKHAPRÜ 21:3

tüsho tha, “O Atungpuh Israel Thrünpuh, khihni Israel trük khülang dükheakpü thsüde Israel ching ha küde adünjikhea?”

1 SAMUEL 11:4

Küyimki yunithsürübo Saul lapung Gibea ching arükhea, arünü mihtsürübonü sode amütsan yusheak thaa huh; tüsho mihtsürü alala achangnü trip.

1 SAMUEL 30:4

Judüki David tüsho api lung lakhi mihtsürübonü arü sühmüh mükheamabahyi khiungde düsheak zhide trip.