MAHKHAPRÜ 20:13 - AMÜSÜH HÜM CL Bible (BSI)

¹³ Kheakü Gibea ching mihbukmuyuk mihtsürübo jihang, junangde isanü arübo asheshihbah tüsho Israel chingnü amütsü rhimo yihkhita bahbah.” Tüshe Benjamin mihtsürübonü arü keoniorü Israelrü yu mani.

MAHKHAPRÜ 20:13 Iomraidhean Croise

2 SAMUEL 20:1

Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

2 SAMUEL 23:6

Tüshe amütsü mihtsürübo a ayangbo nangde bahchoh; tümüde arübo ju khahnü thrüa mulukhuk;

1 KIULONG THSÜRÜ 21:13

Mihtsürü amütsü mahne azah tüsho Naboth mikhuh bin; tüsho mihtsürü amütsübonü Naboth azhihde mihtsürü mikinü tha, “Nabothnü Thrünpuh tüsho kiulongthsüpuh athrudo.” Jumonü arünü api kiuto aleanglim bekhit, tüsho api rusahabah.

2 KIUTHSÜYUKHEAN 13:7

tüsho amüthülünkhi amütsü mihtsürübo khürü api mükamde mukhung tüsho Solomon tsührü Rehoboam müneah, Rehoboam ju athunu tüsho müdüngying tüsho arü muthsolokhukde alakheah.

2 KIUTHSÜYUKHEAN 25:16

Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

2 KIUTHSÜYUKHEAN 25:20

Tüshe Amazianü mani, tümüde ha arübo jihabahpü Thrünpuh rhimo lakheah, tümütüsho arünü Edom thrünpuhbo yim.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

T H S AN GYU T H S AN GR ARÜ 11:10

Jumonü, nü mulong chingnü mulong rozhak bahang, tüsho nü pang chingnü thsünü tsoshang; tümüde azürü tüsho athunu rhangdung akeangkeang.

HOSEA 10:9

Gibea nimungbo chingnü nünü neak yihbeakdo, O Israel; ju ching arünü mutuklode la. Gibea ching amütsü-rhimorü thirithsünü akukkhi yung de?

HOSEA 9:9

Arünü Gibea nimungbo ching nangde arü zangrü sükde thsümünimdo; apinü arü amülim-rhimobo lümkhitbah, apinü arü neakbo dün thsümüchibah.

ROMRÜ KILIM PAULNÜ ATHRÜTKHI KIHÜM HUHTANYU 1:32

Sherünü jurü rhimobanü ashepü thülünlah de arünü Thrünpuh yakzan mükheahkheah she, arünü arhimokhi lang yung tüshe jurü rhimorü she alim jihchoh.

1 KORINT 5:13

Aleangkheakrü Thrünpuhnü thiyukhapbah. “Nüsa bolungnü mihbukmuyuk mihtsürü yankhita bahang.”

2 KORINT 6:15

Khrista tüsho amünean dükeak arihachihkhi tümü la? Yungsho akinrünü amükinrü lung rukhüh tümü la?

YUZÜNGTHALO 13:13

junangde isanü yüanü tüsho nüsanü mümükheahkhi püpürü thrünpuhbo tankihanü de thade athsümünim mihtsürü khürü nüsa bolungnü yübah kiutobo ching larü mihtsürübo bephülapa lasho,

YUZÜNGTHALO 13:5

Tüshe wukihrü yungsho milim müchitrü ju asheshihbah, tümütüsho apinü Atungpuh nüsa Thrünpuh shepünü nüsa Ijip chingnü bekhit tüsho azhorü yamkhün chingnü rhokhitkhea, apinü thiyukhüm jihkhi limro chingnü tüsho api kheaknü chamkhide atsoshihpü nüsa ki thado. Junangde nüsanü amütsü rhimo nüsa bolungnü yihkhita bahang.

YUZÜNGTHALO 13:6

“Nü khiung, nü be tsührü, nü tsührü yungsho tsührübe, nünü amuzhokhi yamkhünberü yungsho nü ki mulong khülang thsükhi müyamrünü nü bephülappü thsüde hade thasho, Isanü yübah püpürü thrünpuhbo tankihanü, shepü nü tüsho nüsa jipürünü mümükheah,

YUZÜNGTHALO 17:12

Khürünü mahkhaprü yungsho Atungpuh nüsa Thrünpuh tankihrü amükeamrü ki mihyumanide azhihsho api asheshihbah; hanangde nüsanü amütsürü Israel chingnü yihkhita bahang.

YUZÜNGTHALO 17:7

Api sheshihpü thsungkheaknü thiyumütsan jihrünü akhuh khah chungbah, tüsho jushu mihtsürübonü khah chungbah. Junangde nüsanü amütsü mihtsürü nüsa lungnü yihkhita bahbeah.

YUZÜNGTHALO 19:19

apinü akeoniorü kheak rhimopü lümkhi ju nüsanü api kheak rhimoang; junangde nüsanü amütsü mihtsürü nüsa bolungnü yihkhita bahang.

YUZÜNGTHALO 21:21

Judüki kiuto ching lakhi mihtsürü alalanü api lungnü arusahbah; junangde nüsanü amütsürü nüsa bolungnü yihkhita bahang, tüsho Israelrü alalanü sobah atrebah.

YUZÜNGTHALO 22:21

arünü alibe ju abuh yam khimdopü ki bede akhiukbah, tüsho kiuto ching lakhi athrürübonü anihbe ju lungnü arusahbah, tümütüsho alibenü abuh yam chingnü müzammüramde achihbe rhimo Israel ching rhimodo; jumonü nüsanü amütsü mihtsürü nüsa bolungnü yihkhita bahang.

YUZÜNGTHALO 22:24

nüsanü ane chido kiuto chipimurung ching bede akhiukbah, tüsho ane lungnü rusahang, anünübenü arungkhishihpü kiuto ching müzhi, tüsho athrüpünü püpürü niuberü thsümünimdo; hanangde nüsanü amütsü mihtsürü nüsa bolungnü yihkhita bahang.

YUZÜNGTHALO 24:7

“Mihtsürü khülang akeoniorü Israelrü tsührü rama lubah atsokhi ngükhitsho, tüsho azhorü nangde api thsümüchisho yungsho yinsho, mihrambuh ju asheshihbah; tüsho nüsanü amütsü mihtsürü nüsa bolungnü yihkhita bahang.

MAHKHAPRÜ 19:22

Arübo mulong asühde alachoki, zukleangnü kiuto ching müzammüramrü mihtsürübonü arübah khimdopü kheak yüm. Arünü thüyam putungrü, ashinbuh ki tha, “Nü yam ching arürü mihtsürü bede akhiukang, junangde isanü api kheak müzammürambah!”

MAHKHAPRÜ 20:12

Judüki Israel trükbonü Benjamin trük alala ching mihtsürübo yüshihde tha, “Nüsa bolung dünjikhi athsümünim rhimo ha tümü a?

MAHKHAPRÜ 20:14

Ju müthri Benjamin mihtsürübonü Israelrü bede keochihpü arü kiutobo chingnü rukhüh Gibea ching mukhung.

1 SAMUEL 2:25

Mihtsürü khürünü püpürü azhihde neak yihbeaksho, Thrünpuhnü api mahkhapbah tüshe khürünü Atungpuh azhihde neak yihbeaksho, shepünü neak kheangjihpü?” Tüshe arünü arü abuh düsheak mani; tümüde arü laksahpü ju Atungpuh lümkhi lakheah.

1 SAMUEL 30:22

Judüki athsümünim tüsho amüthülünkhi mihtsürü David lung yürübonü tha, “ Tümütüsho arübo isa lung marü, isanü arü kilim isanü ayankhikhi tümü she müjih, tahle mihtsürü abannü nihbuh niuberü tüsho tsührübo lang lubah ayüpü kuklah.”