MAHKHAPRÜ 20:10 - AMÜSÜH HÜM CL Bible (BSI)

¹⁰ Israel ching shihcham thürü chingnü shihcham khülangnü bonungrü ahiuhakhipbah, tüsho püpürübonü yübah Israel ching arünü ha müzammüram yihbeakkhi dünkheak Benjamin ching lakhi Gibea thsümüchibah.”

MAHKHAPRÜ 20:10 Iomraidhean Croise

LEVI 18:24

Harü rhimokhinü nüsa dümünean, tümüde harü rhimo hode inü nüsa müngüh yankhita bahkhi trükshihbonü arü zangrü müneana lah.

YUZÜNGTHALO 22:21

arünü alibe ju abuh yam khimdopü ki bede akhiukbah, tüsho kiuto ching lakhi athrürübonü anihbe ju lungnü arusahbah, tümütüsho alibenü abuh yam chingnü müzammüramde achihbe rhimo Israel ching rhimodo; jumonü nüsanü amütsü mihtsürü nüsa bolungnü yihkhita bahang.

JIHUSUA 7:15

Muthrumüneankhi kukruk lubuh ju yimkhitsho, api lung ayamkhün tüsho kukruk alala monü atakbah, tümüde apinü Israel kurungkheak achih handarüdo tüsho Atungpuh kheak tangzüngkhi thsümünimdo.”

MAHKHAPRÜ 20:11

Jumonü Israel mihtsürü alala kiuto azhihde mihtsürü khülang kamde mukhung.

MAHKHAPRÜ 20:6

Jumonü inü anihbe pang lubah khapthünak tüsho Israel trük thürükheak mahne abande mühah, tümütüsho arünü Israel ching achihbe müzammüram yihbeak.

MAHKHAPRÜ 20:9

Tüshe kheakü isanü Gibea kheak ha rhimobah: isanü azan thsüde mihtsürü mokhitbah Gibea yanbah.

MAHKHAPRÜ 21:1

Kheakü Israel mihtsürünü Mizpa ching thiyuchihchim lude tha, “Isa shenü she nihbuh tsührü aliberü Benjaminrü kilim niuberü thsüpü müjih.”