MAHKHAPRÜ 2:20 - AMÜSÜH HÜM CL Bible (BSI)

²⁰ Jumonü Atungpuhnü Israelrü kheak khide bukakhiukde tha, “ Tümütüsho ha trükshihnü inü arü jipürü ki tangzüngkhi thsümünimdo tüsho I yu mani.

MAHKHAPRÜ 2:20 Iomraidhean Croise

2 SAMUEL 24:1

Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

MUNGSHIKHÜN 106:40

Jumonü api mihtsürü azhihde Atungpuh bukakhiukde kam, junangde apinü nihbuh yamrüplurüp thranean.

MUNGSHIKHÜN 78:10

Arünü Thrünpuh ki tangzüngkhi muzo; arünü api yakzanbo ching tsahpü thsunglo,

JEREMIA 31:32

Ha inü arü jipürü Ijip lomi chingnü khah kheaknü thokhitchoki tangzüng nangde yung, tümüde I arü aputungrü thsüthsü she, arünü I tangzüng thsümünim, Atungpuhnü thachoh.

EZEKIEL 20:37

Inü nüsa I tso khüp hosihbah tüsho tangzüngkhi ching inü nüsa hanyukbah.

WÜHKHE 32:13

Jumonü Atungpuhnü Israelrü kheak bukakhiuk, tüsho apinü arü sunglo ching Atungpuh miki amünean rhimorü lünbo muhokham khiungde kam yirü sunglo ching rümde tsahshih.

YUZÜNGTHALO 32:22

Tümüde I bukakhiukkhinü mo takkihdo, tüsho ju Ashe-lomi khiungde takchoh, alomi tüsho lüpdükhi aniuabahchoh, tüsho müzüngbo jing kheak mo thsahkihchoh. @SP ACE=

JIHUSUA 23:16

Nüsanü Atungpuh nüsa Thrünpuhnü tangzüngkhi thsümünimbah püpü thrünpuhbo ki mükhümde kingaünsho Atungpuh bukakhiukkhi nüsa kheak alü labah, tüsho apinü nüsa kilim jihkhi lo atsü chingnü nüsa nahde adükheakbah.”

MAHKHAPRÜ 10:7

Jumonü Israel azhihde Atungpuh bukakhiuk; tüsho apinü arübo Filistia le Amon mihtsürü khah ching yinabah.

MAHKHAPRÜ 2:14

Tüsho Israel azhihde Atungpuh bukakhiuk. Jumonü apinü arübo ju arü yankhia lurü khah ching jih; tüsho apinü arübo arü mühide lakhi thiriribo khah ching yinabah. Junangde arü riribo miki arübonü müzhipkhukde kam.

MAHKHAPRÜ 2:19

Tüsho küyimki mahkhaprübo sheabahkhea, arünü rholobah püpürü thrünpuhbo yande, tankihde tüsho khukningde arü bebuhrü kheaknü amütsübe thsüde rhimo. Arünü arü nihbuh rhimokhi chingnü yungsho arü nihnihkhi limro chingnü arün müthsü.

MAHKHAPRÜ 3:8

Jumonü Atungpuhnü Israelrü kheak bukakhiuk tüsho apinü arübo Mesopotamia kiulongthsüpuh Kushan-rishathaim khah ching yinabah; tüsho Israel tsührübonü kam tizheah Kushan-rishathaim tankih.