MAHKHAPRÜ 2:18 - AMÜSÜH HÜM CL Bible (BSI)

¹⁸ Küyimki Atungpuhnü arü thsungkheaknü mahkhaprü arüshihkhea, Atungpuh ju mahkhaprü lung la, tüsho apinü arübo mahkhaprü nimungbo alala ching arü riri khah chingnü khümkhit; tümütüsho arü junode thsümüchirü dünkheaknü tüzhochoki Atungpuhnü mihmuzho huh.

MAHKHAPRÜ 2:18 Iomraidhean Croise

THRÜNTAN 6:6

Tüsho apinü alomi kheak mihtsürü thrünkhi dünkheak Atungpuhnü mulong ashide lüm, tüsho api mulong rozhakde alakheah.

2 KIULONG THSÜRÜ 13:4

Tüshe Jehoahaznü Atungpuh ki mushu, tüsho Atungpuhnü api ki anijih; tümüde Siria kiulongthsüpuhnü Israel junokhi apinü ngü.

MUNGSHIKHÜN 12:5

“Tümütüsho müthsümülarü junokhi, tüsho küpkhukrü ashearakhinü I kheakü asürübah,” Atungpuhnü thachoh. “Anihbuhnü amürheangkhi ching inü api lashihbah.”

MUNGSHIKHÜN 90:13

Rholoang, O Atungpuh ! Külokhüh? Tüsho nü yamlarübo kheak amuzho laang.

ABEKHIT 2:24

Jumonü Thrünpuhnü arü ashekhi so, tüsho Abraham, Isak tüsho Jakob ki apinü tangzüngkhi lümkhit.

ABEKHIT 3:12

Thrünpuhnü alo, “I nü lung labah, tüsho küyimki nünü I mihtsürübo Ijip chingnü bebah akhiukbanü nüsanü ha wung kheak I kingaünbah tüsho junü inü nü yüshihkheah de amütsan thsübah.”

ABEKHIT 32:14

Jumonü Atungpuhnü api mihtsürü thsümünimpü chingnü lümalo.

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

JONA 3:10

Küyimki arünü arhimokhi, arü amütsü limrobo chingnü rholokhi Thrünpuhnü angükhea, apinü arü kheak thsümütsü hande arüpü thakhi Thrünpuhnü api lüm müthri; tüsho apinü ju mürhimo.

WÜHKHE 10:9

Tüsho küyimki nüsa lo chingnü thiriri kheak keochihpü yübanü nüsanü hulipungpung niuknimde mütang, ju ruk Atungpuh nüsa Thrünpuh miki nüsa lümkhitbah tüsho nüsa riri khah chingnü nüsa khümkhitbah.

YUZÜNGTHALO 32:36

Küyimki apinü arü wu tsodo tüsho rhüka larü yungsho zuzu larü maning de mükheahbanü, atsütsü Atungpuhnü api mihtsürü bekhitbah, tüsho api yamlarübo kheak müthsümbah.

JIHUSUA 1:5

Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.

MAHKHAPRÜ 10:16

Jumonü arünü khiungkerü thrünpuhbo arü bolungnü yihkhita bah tüsho A TUN GPU H tankih. Tüsho Israel thsünükhi apinü küruhkhüh marümkheamde alakheah.

MAHKHAPRÜ 11:32

Jumonü Jephthanü Amon mihtsürü kilim arü bede keochihpü yü, tüsho Atungpuhnü arübo api khah ching jih.

MAHKHAPRÜ 2:19

Tüsho küyimki mahkhaprübo sheabahkhea, arünü rholobah püpürü thrünpuhbo yande, tankihde tüsho khukningde arü bebuhrü kheaknü amütsübe thsüde rhimo. Arünü arü nihbuh rhimokhi chingnü yungsho arü nihnihkhi limro chingnü arün müthsü.

MAHKHAPRÜ 3:9

Küyimki Israelrünü Atungpuh ki zhikhea, Israelrü tsührübo bekhitpü thsungkheaknü Kenaz tsührü Kaleb niurü Othniel yüshih.

MAHKHAPRÜ 6:12

Atungpuh yunirü api ki akhiuk tüsho anihbuh ki tha, “Nü amürang tüsho athrungrü mihtsürü, Atungpuh nü lung lah.”

MAHKHAPRÜ 6:16

Tüsho Atungpuhnü api ki tha, “ Tsükjide I nü lung labah, tüsho nünü Midiarü mihtsürü khülang nangde akukbah.”