MAHKHAPRÜ 2:17 - AMÜSÜH HÜM CL Bible (BSI)

¹⁷ Tütüshe arünü mahkhaprübo yu mani tüsho arünü püpürü thrünpuhbo kheak müzammüram thsü tüsho arü ki khukning. Arünü nahde arü bebuhrünü atsahkhi limro chingnü, Atungpuh yukhüm anikhi chingnü rholode tso; ju ruk arünü mürhimo.

MAHKHAPRÜ 2:17 Iomraidhean Croise

MUNGSHIKHÜN 106:39

Hanangde arü nihbuh rhimobo hode arü müneanabah, tüsho arü nihbuh rhimobo hode müzammüram thsü.

MUNGSHIKHÜN 106:43

Apinü ahihdo ki arü bekhit; tüshe arünü api azhihpü mokhit tüsho neak ching sükde keamyuk.

MUNGSHIKHÜN 73:27

Atsütsü, sherü nü kheaknü limshude lanü adükheakbah; sherü müzammüram thsungkheaknü nü bahkhidünü nünü alala dükheakshihdo.

ABEKHIT 32:8

Inü arü ki thiyukhüm jihkhi chingnü nahde rholode tsodo tüsho arü thsungkheak moshipungnunu mejak khülang thsüa lah. Arünü ju miki mükhümde laksah-a kingaün tüsho tha, ‘O Israel, harü ha nüsa Ijip lomi chingnü bekhitkhi nüsa thrünpuhbo ah.’”

JEREMIA 3:6

Kiulongthsüpuh Josia nimungbo ching Atungpuhnü I ki tha: Anihbenü arhimokhi nünü ngünah, akin mülakhi khülang, Israel, künangde anihbenü awung aban yükihkhea tüsho sangdung phüyak aban khüp müzammüram rhimokhea?

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

HOSEA 2:2

Nü be ki thürühang, thürühang, tümüde anihbe I niube yung tüsho I aniubuh yung. Anihbenü müzammüramkhi tüsho beyapkhi tukloshang.

LEVI 17:7

Junangde arünü müzammüramkhi arimri ki laksah-a mükingaün. Ha arü lün lün ching arü thsungkheaknü kamruhroro yakzan thsükhi labah.

AMOS 2:4

Atungpuhnü ha thachoh: Judanü alochode neak yihbeakkhi dünkheak, inü thsümüchi mululo; tümütüsho arünü Atungpuh yakzan bahyuk, tüsho api yukhüm muzo.

GALATIA 1:6

Khrista amüthsüm ching nüsa jibuh nahde bahkhibah püpü thiyusheak-atsü lim tsokhi inü müyinsahchoh–

YUZÜNGTHALO 31:16

Tüsho Atungpuhnü Mosa ki tha, “Kheahang, nü nü buh pürü lung sühakhimbah; tüsho ha mihtsürübonü asürübah tüsho khiungkerü lo thrünpuhbo kheak müzammüram ahoribah, küching arü yübanü jurü bolung labah, tüsho arünü I bahyukbah tüsho inü arü kheak tangzüngkhi thsümünimbah.

YUZÜNGTHALO 31:18

Tüsho arünü harü amütsübo rhimode püpürü thrünpuhbo kilim rholokhi dünkheaknü ju nimung ching inü tsükjide I jak rambah.

YUZÜNGTHALO 9:12

“Tüsho Atungpuhnü I ki tha, Asürang, ha chingnü nahde yükiang; tümüde nünü Ijip chingnü bedarükhi nü mihtsürübonü thsümünimde rhimodo; inü arü ki thiyukhüm jihkhi limro chingnü arübo nahde tsoakhindo; arünü arü thsungkheak sangthsü rhimoa lah.

YUZÜNGTHALO 9:16

Tüsho inü kheahshe, ju ching nüsanü Atungpuh nüsa Thrünpuh azhihde neak yihbeaka lakheah, tüsho nüsa thsungkheaknü sangthsü moshi nunu kiphahde thsü. Atungpuhnü thiyukhüm jihkhi limro chingnü nüsanü nahde akhin.

JIHUSUA 24:24

Mihtsürübonü Jihusua ki tha, “Atungpuh isa Thrünpuh isanü tankihbah, tüsho isanü api düsheak anibah.”

JIHUSUA 24:31

Jihusua rhangdung la khiungde Israel mihtsürübonü Atungpuh tankih, tüsho api sheshu she Atungpuhnü Israel mihtsürübo thsungkheak rhimokhi ngürü limberübo lakhi khiungde tankih.

MAHKHAPRÜ 2:7

Jumonü Jihusua nimungbo alala ching tüsho Jihusua sheshu rhangdung larü, Atungpuhnü Israel ching rhimokhi ato ngürü nimungbo alala ching mihtsürübonü Atungpuh tankih.

MAHKHAPRÜ 8:33

Tüsho Gideon she yanalünde Israelrünü Baalbo kingaün, tüsho Baal-berith ju arü thrünpuh kamshih.

1 SAMUEL 12:12

Tüshe küyimki Amon kiulongthsüpuh Nahashnü nüsa azhihde arükhi nüsanü angükhea, Atungpuh nüsa Thrünpuh nüsa kurungkheak kiulongthsüpuh lalashe nüsanü I ki tha, ‘Yung, tüshe kiulongthsürü khülangnü isa kurungkheak kiulongthsübah.’

1 SAMUEL 12:17

Khihni ha wheat hi yimluchoh yung de? Inü Atungpuh ki jibah, junangde apinü tsüngmuk tüsho tsüng arüshihbah; tüsho nüsanü Atungpuh miki kiulongthsürü kheangde amütsü rhimokhi tolah de nüsanü angübah.”

1 SAMUEL 12:19

Mihtsürü alalanü Samuel ki tha, “Nü yamlarübo thsungkheaknü Atungpuh nü Thrünpuh ki tamkhüntamnüjang, junangde isa müshe; tümüde isa thsungkheaknü kiulongthsürü khülang kheangkhi hode isa neakbo kheak yukajakde alü yihbeaklodo.”