MAHKHAPRÜ 2:14 - AMÜSÜH HÜM CL Bible (BSI)

¹⁴ Tüsho Israel azhihde Atungpuh bukakhiuk. Jumonü apinü arübo ju arü yankhia lurü khah ching jih; tüsho apinü arübo arü mühide lakhi thiriribo khah ching yinabah. Junangde arü riribo miki arübonü müzhipkhukde kam.

MAHKHAPRÜ 2:14 Iomraidhean Croise

2 SAMUEL 24:1

Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

2 SAMUEL 7:11

inü I mihtsürübo Israel kurungkheak mahkhaprübo mokhitkhi kim chingnü; tüsho inü nü nüsa riri alala kheaknü sühakhimshihbah. Junangde Atungpuhnü nü kilim thüyam khülang thsüjihbah de khipkhitchoh.

2 KIULONG THSÜRÜ 13:3

Israel kheak Atungpuhnü bukakhiuk, junangde apinü arübo mutuklode Siria kiulongthsüpuh Hazael khah ching jih, jushu Hazael tsührü Ben-hadad khah ching jih.

2 KIULONG THSÜRÜ 17:20

Atungpuhnü Israel tsühsoniusobo alala bahyuk; apinü arü thsümüchi tüsho api mikinü yankhita mübahyi khiungde arü riri bukmükerü khah ching jih.

2 KIUTHSÜYUKHEAN 15:5

Ju kimbo ching she thsungkheak she ayüpü yungsho arüpü mukukde alakheah, tümüde küpkhuk atonü lomi ching larü alala thsünü.

2 KIUTHSÜYUKHEAN 28:5

Jumonü Atungpuh api Thrünpuhnü anihbuh Siria kiulongthsüpuh khah ching jih, apinü anihbuh kuk tüsho api mihtsürü ahihdo rama lubah Damaska ching arü. Api ju Israel kiulongthsüpuh khah ching she jih, apinü ahihdo laksahde api kuk.

2 KIUTHSÜYUKHEAN 36:16

tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

NEHEMIA 9:27

jumonü nünü arübo arü thsünüshihrü thiriri khah ching jihabah. Tüsho arü küpkhukkhi ching arung kheangde azhichoki nünü yinmi chingnü alojih. Nü amüthsüm ato ching arü riri khah chingnü khümkhitpü limberü thiyi.

MUNGSHIKHÜN 44:11

Nünü isa alaksahpü lakhi namfimihnunu nangde kamshih, tüsho trükshihbo lung isa hiumüzütshih.

MUNGSHIKHÜN 44:12

Nünü nü mihtsürü adün thülihde yin, arü dünkheak amo chakde mükheang.

ISAIA 42:24

Shenü ayankhirü kilim Jakob jihkhea tüsho jangkhijangrarü kilim Israel jihkhea? Ha Atungpuhnü yung de, shepü azhihde isanü neak yihbeakkhea, shepü limrobo ching arünü mütsahkhea, tüsho shepü yakzan arünü manikhea?

ISAIA 50:1

Atungpuhnü ha thachoh: Inü nü be thiyia tsoshihkhi abah-hüm küching la? Yungsho inü nü yinkhi I sho putungpuh ju shepü a? Yung, nü neakbo dünkheaknü nü yinkheah, tüsho nünü alakmihkhibo dünkheak nü be tsoshihkheah.

JEREMIA 37:10

Nüsanü nüsa bede keochihrü Kaldearü bonungrü alala kukkuk she tüsho arü khimyambo ching yurirü lang aninga lalashe, arünü asürübah tüsho ha kiuto monü atakbah.

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

LEVI 26:28

inü she I bukakhiukde nüsa kheak mükthsübah; tüsho nüsa neak dünkheaknü thüne ki thsümüchibah.

LEVI 26:37

Nüsabo shenü müyande, nukshang müngüh tsokhi ruk khülangnü khülang kheak mürhemülüna mülade akambah.

WÜHKHE 32:13

Jumonü Atungpuhnü Israelrü kheak bukakhiuk, tüsho apinü arü sunglo ching Atungpuh miki amünean rhimorü lünbo muhokham khiungde kam yirü sunglo ching rümde tsahshih.

WÜHKHE 32:14

Tüsho kheahang! Nüsanü nüsa buhrübo müthride, lün aso aneak mihtsürübonü Israelrü kheak Atungpuh buk alü akhiukshihpü lah.

YUZÜNGTHALO 28:20

“Nüsanü amütsü rhimode I bahyukkhi dünkheaknü, nüsa müshe khiungde tüsho nahde müdükheak khiungde Atungpuhnü nüsa kheak muthrumünean, ayingyingpü arüshihbah, tüsho nüsanü arhimokhi alala ching thsümütsü lashihbah.

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.

YUZÜNGTHALO 28:58

“Nüsanü Atungpuh nüsa Thrünpuh müretahkhi tüsho api atrebe mung wüntrepü thsüde, ha hüm ching thrüta lakhi yakzan alala kümkangde müyansho,

YUZÜNGTHALO 32:30

Atungpuh arü Thrünpuhnü arü yinkhi yungsho, tüsho Atungpuhnü arü jihabahkhi yungsho, küde thsah khülangnü chithürü yande müshampü, tüsho mahnenü chithürü thürü alihde atsoshihpü?

JIHUSUA 23:16

Nüsanü Atungpuh nüsa Thrünpuhnü tangzüngkhi thsümünimbah püpü thrünpuhbo ki mükhümde kingaünsho Atungpuh bukakhiukkhi nüsa kheak alü labah, tüsho apinü nüsa kilim jihkhi lo atsü chingnü nüsa nahde adükheakbah.”

MAHKHAPRÜ 1:19

Junangde Atungpuh Juda lung lakheah. Tüsho arünü müzüng lomi ching larü alala yankhitabah, tüshe arünü lokeam ching larübo a müyankhitkhuk tümütüsho arübo yinchi khora-lolungbebo lakheah.

MAHKHAPRÜ 1:34

Tüsho Amorrünü Danrü ju thsungkih-a müzüng lomi ching yüshih, tümütüsho arünü arübo ju adükhün ching akishihpü mümülü.

MAHKHAPRÜ 10:7

Jumonü Israel azhihde Atungpuh bukakhiuk; tüsho apinü arübo Filistia le Amon mihtsürü khah ching yinabah.

MAHKHAPRÜ 2:20

Jumonü Atungpuhnü Israelrü kheak khide bukakhiukde tha, “ Tümütüsho ha trükshihnü inü arü jipürü ki tangzüngkhi thsümünimdo tüsho I yu mani.

MAHKHAPRÜ 3:12

Kheaküshe Israelrünü A TUN GPU H miki amütsü rhimo; jumonü Atungpuhnü Moab kiulongthsüpuh ju Israel azhihde reangzahshih.

MAHKHAPRÜ 4:2

Jumonü Atungpuhnü arübo Hazor ching yakzanshuhbuh Kanan kiulongthsüpuh Jabin khah ching jih. Tüsho api bonungrü abebuh ju Harosheth Hagoyim ching lakhi Sisera lakheah.