MAHKHAPRÜ 2:11 - AMÜSÜH HÜM CL Bible (BSI)

¹¹ Judüki Israelrübonü Atungpuh miki amütsü ju rhimo tüsho Baalbo tankih;

MAHKHAPRÜ 2:11 Iomraidhean Croise

THRÜNTAN 13:13

Tüshe Sodom mihtsürübo hodakde mihbukmuyuk tüsho Atungpuh azhihde neak yihbeaka lakheah.

THRÜNTAN 38:7

Tüshe Juda tsührü adüjibuh Er ju Atungpuh miki mihbukmuyuk lakheah, tüsho Atungpuhnü api sheshih.

1 KIULONG THSÜRÜ 11:5

Tümüde Solomonnü Sidonrü aliberü thrünpuh Astar tüsho Amonrü athraneanbe thrünpuh Molek yan.

1 KIULONG THSÜRÜ 18:18

Apinü alo, “Inü Israel küpkhuk müjih; tüshe nü tüsho nü buh yamkhünnü küpkhuk jihdo, tümütüsho nünü Atungpuh yukhümbo bahyuk tüsho Baalbo yando.

1 KIULONG THSÜRÜ 22:53

Apinü Baal tankih, tüsho api kingaün; abuhnü arhimokhi nangde, apinü Atungpuh , Israel Thrünpuh bukakhiukshih.

2 KIUTHSÜYUKHEAN 28:2

tüshe apinü Israel kiulongthsürü limrobo ching tsah. Apinü Baalbo thsungkheak azünkhi sangthsübo she thsü;

2 KIUTHSÜYUKHEAN 28:3

tüsho apinü Hinnom jindükhün ching kingaün jih, tüsho Atungpuhnü Israel müngühnü yankhita bahkhi trükshihbonü athraneanbe rhimokhibo yande apinü atsührübo mo ching taka kingaün.

2 KIUTHSÜYUKHEAN 33:6

Apinü müchitde, dünjiyu thade, wurük thsüde tüsho mesherü le kuhi-kheahrü keokhide Hinnom jindükhün ching api tsührü taka kingaünkhi jih. Apinü khide amütsü Atungpuh miki rhimode api bukakhiukshih.

EZRA 8:12

Azgad kheaknü Hakatan tsührü Johanan trükkhit, tüsho api lung athrürü 110;

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

MUNGSHIKHÜN 78:56

Tütüshe arünü Thrünpuh rükaki tüsho Khide Achang azhih; arünü api yakzan thsükhibo muzo,

JEREMIA 11:10

Arünü adüso arü jipürü I yu anipü reanglorü amülimbo lim rholode yüdo; arübonü püpürü thrünpuhbo dunglim tankihpü yüabahdo; Israel yamkhün tüsho Juda yamkhünnü inü arü jipürü ki tangzüngkhi thsümünimdo.

JEREMIA 16:11

Judüki nünü arü ki thabah: ha tümütüsho nüsa jipürünü I bahyuk, Atungpuhnü thachoh, tüsho püpürü thrünpuhbo dunglim yübah tankih tüsho kingaün, tüsho I bahyuk tüsho I yakzan muzo;

JEREMIA 2:20

Ashang tsodo, nünü nü sangkaplak yihshak tüsho thiyuchihchim yihshakabah, tüsho nünü tha, “ Inü mütankih!” Awung achang abande tüsho sangdung phüyak aban khüp müzammüramrü nangde nünü yap.

JEREMIA 2:23

Küde thsah nünü thakhukpü, “ I a mümünean, inü Baal dunglim müyü?” Jindükhün ching nü limro kheahang; nünü arhimokhi mükheahang– nü a athrikhi mütüm Kemel halim-halim yungchoh.

JEREMIA 32:23

arünü yüzah tüsho alakukruk lu. Tüshe arünü nü düsheak mani yungsho nü yakzan ching mütsah; nünü arü ki thiyukhüm jihkhi alala arünü tümü mürhimo. Jumonü nünü harü thsümütsü alala arü kheak arüshih.

JEREMIA 9:14

tüshe arü jipürünü arü ki thsangyukhi nangde nihnihde arü nihbuh mulong yan tüsho Baalbo dunglim yü.

WÜHKHE 25:3

Jumonü Israelrünü nihbuh zangrü Peor ching Baal kheak arihabah, tüsho Israel azhihde Atungpuhnü bukakhiuk.

YUZÜNGTHALO 31:16

Tüsho Atungpuhnü Mosa ki tha, “Kheahang, nü nü buh pürü lung sühakhimbah; tüsho ha mihtsürübonü asürübah tüsho khiungkerü lo thrünpuhbo kheak müzammüram ahoribah, küching arü yübanü jurü bolung labah, tüsho arünü I bahyukbah tüsho inü arü kheak tangzüngkhi thsümünimbah.

YUZÜNGTHALO 4:25

“Küyimki nüsa tsührübo tüsho tsührü-tsührü ngübahle lomi ching zode arübah, thsümünimde tüsho tümükhüh jak kiphahde sangthsü thsübanü, tüsho Atungpuh nüsa Thrünpuh miki amütsü rhimode api bukakhiukshihbanü,

MAHKHAPRÜ 10:10

Tüsho Israelrünü Atungpuh ki zhide tha, “Isanü nü azhihde neak yihbeakdo, tümütüsho isanü isa Thrünpuh bahyuk tüsho Baalbo tankih!”

MAHKHAPRÜ 10:6

Judüki Israelrünü kheaküshe Atungpuh miki amütsü rhimo, tüsho Baalbo, Astarbo, Siria thrünpuhbo, Sidon thrünpuhbo, Moab thrünpuhbo, Amon thrünpuhbo tüsho Filistia thrünpuhbo tankih; arünü Atungpuh bahyuk tüsho api mütankih.

MAHKHAPRÜ 13:1

Kheaküshe Israel mihtsürünü Atungpuh miki amütsü rhimo, tüsho Atungpuhnü arü kam yirü Filistiarü khah ching jih.

MAHKHAPRÜ 3:12

Kheaküshe Israelrünü A TUN GPU H miki amütsü rhimo; jumonü Atungpuhnü Moab kiulongthsüpuh ju Israel azhihde reangzahshih.

MAHKHAPRÜ 3:7

Jumonü Israelrünü Atungpuh arü Thrünpuh mihabahbah, A TUN GPU H miki amütsü rhimo, tüsho Baal le Ashera sangthsü kingaün.

MAHKHAPRÜ 4:1

Ehud she dunglim Israel mihtsürübonü Atungpuh miki amütsü rhimolo.

MAHKHAPRÜ 6:1

Israel mihtsürünü Atungpuh miki amütsü rhimo; tüsho Atungpuhnü arübo kam thüne Midiarü khah ching jih.

MAHKHAPRÜ 6:25

Ju tsüngre Atungpuhnü api ki tha, “Nü buh moshipung tüsho mahnepü moshipung kam thüne thsükhi luang, tüsho nü buh yo Baal kingaün sadam lukkheamang, tüsho ju ki sangthsü kiukheamang;

MAHKHAPRÜ 8:33

Tüsho Gideon she yanalünde Israelrünü Baalbo kingaün, tüsho Baal-berith ju arü thrünpuh kamshih.

1 SAMUEL 12:10

Judüki arünü Atungpuh ki zhi, tüsho tha, ‘Isanü neak yihbeakdo, tümütüsho isanü A TUN GPU H bahyuk, tüsho Baalbo le Astarbo tankih; tüshe kheakü isa riri khah chingnü isa khümkhitang, tüsho isanü nü tankihbah.’

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”

1 SAMUEL 7:4

Jumonü Israelnü Baalbo le Astarbo dükheabah, tüsho arünü Atungpuh lang tankih.