MAHKHAPRÜ 2:10 - AMÜSÜH HÜM CL Bible (BSI)

¹⁰ Küyimki ju lün alala arü bebuhrü ki mukhungkhea, Atungpuh mümükheahkhi yungsho Israel thsungkheaknü rhimokhi mümükheahkhi, arü dunglim lün püpü asürü.

MAHKHAPRÜ 2:10 Iomraidhean Croise

THRÜNTAN 15:15

Kheakü nü a sühakhim ching nüsa jipürü lung yübah; nü a shinde labah kiuyuka bahbah.

THRÜNTAN 25:17

Ishmael kam 137 lakheah; api sheabah tüsho api mihtsürü kilim yü.

THRÜNTAN 25:8

Abraham kutsüpde shinde labah sheabah, tüsho api mihtsürü kilim yü.

THRÜNTAN 49:33

Küyimki Jakobnü api tsührübo thsangdankhi bankhea, api jingbo yapkiu kheak chunga yüshih tüsho sheak kheamabah, tüsho anihbuh mihtsürü lung yü.

2 SAMUEL 7:12

Küyimki nü nimungbo khiungba tüsho nü nüsa jipürü lung yübanü, inü nü pang chingnü tsührü nü dunglim asürüshihbah, tüsho inü api kiulongthsü thsakhamjihbah.

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

JOB HU H T ANYU 21:14

Arünü Thrünpuh ki thachoh, “Isa zangrü zojang! Isanü nü limrobo mükheahpü mükün.

ABEKHIT 1:6

Kheakü Josep tüsho api keoniorübo le ju lün alala sheabah.

ABEKHIT 1:8

Ju kim ching Ijip lomi ching Josep mümükheahrü kiulongthsürü khülang asürü.

ABEKHIT 5:2

Pharaonü tha, “Inü api düsheak anide Israelrü yüshihpü thsüde Atungpuh ju she a? Inü Atungpuh mümükheah tüsho inü Israelrübo müyüshih.”

ISAIA 5:12

Shepü aniojikhi ching bingkhung tüsho bingshang, züpzüppü tüsho khungpi tüsho yukhu ahoricho, tüshe shepünü Atungpuh rhimobo akin müla yungsho api khah rhimo müngü!

JEREMIA 22:16

Apinü zhochihrü tüsho müthsümülarü dünkheak mahkhap; ju tsüde alakheah. Ha amütsan I mükheahpü yung de? Atungpuhnü thachoh.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

JEREMIA 9:2

O loshelo ching I lapung lakhülaa inü I mihtsürübo bahjihbah tüsho arü kheaknü tsoabahbah! Tümüde arü alala müzammüramrü, mülapyukrü boto lah.

JEREMIA 9:3

Arünü akeangyu thsungkheak arü mulobo sanglüh nangde hünchoh; arübo lomi ching thiyuro thsungkheak amürangrü yung; tümüde arünü amütsü chingnü amütsü ching yüdo, tüsho arünü I mümükheah, Atungpuhnü thachoh.

JEREMIA 9:5

Arü alalanü arü yamhingrü mülapyukchoh, tüsho shenü she thiyuro masuk; arünü akeangyu thapü arü mulobo ki thsangyudo; arünü amülim yihbeakdo tüsho neak yihbeakkhinü keaka lah.

WÜHKHE 27:13

Tüsho küyimki nünü ju ngübanü, nü khiung Aron nangde nü she nihbuh mihtsürü lung yübah.

LUKNÜ ATHRÜTKHI THIYUSHEAK-ATSÜ HUHTANYU 20:32

Akheam thsüde alibe ju she sheabah.

YUNIRÜBO RHIMO 13:36

Tümütüsho küyimki Davidnü api lün ching Thrünpuh mulongkhi tankihkhea, api sheabah; api jipürübo lung kiuyukabah tüsho aro abühabah;

YUZÜNGTHALO 31:16

Tüsho Atungpuhnü Mosa ki tha, “Kheahang, nü nü buh pürü lung sühakhimbah; tüsho ha mihtsürübonü asürübah tüsho khiungkerü lo thrünpuhbo kheak müzammüram ahoribah, küching arü yübanü jurü bolung labah, tüsho arünü I bahyukbah tüsho inü arü kheak tangzüngkhi thsümünimbah.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

JIHUSUA 24:31

Jihusua rhangdung la khiungde Israel mihtsürübonü Atungpuh tankih, tüsho api sheshu she Atungpuhnü Israel mihtsürübo thsungkheak rhimokhi ngürü limberübo lakhi khiungde tankih.

1 SAMUEL 2:12

Kheakü Eli tsührübo mihyuchi ching mülarü lakheah; arünü Atungpuh mümükheah.