MAHKHAPRÜ 19:3 - AMÜSÜH HÜM CL Bible (BSI)

³ Judüki aniubuhnü asürü tüsho anihbe ki mushude thabah belodarüpü api lung yamlarü khülang tüsho donki mahne bebah yü. Junangde alibenü api abuh yam ching bede yüzah; tüsho küyimki alibe abuhnü api ngükheanü asühde beyuk.

MAHKHAPRÜ 19:3 Iomraidhean Croise

THRÜNTAN 34:3

Api menü Jakob tsührübe Dina khide mürüh, apinü anünübe muzho tüsho anihbe ki muzhode asuk.

THRÜNTAN 50:21

Jumonü kheakü, dütre; inü nüsa le nüsa tsührübo thsungkheak jihchungbah.” Apinü arü mulong shukheam tüsho arü ki muzhode asuk.

JEREMIA 3:1

Athrürü khülangnü aniube bahbah api kinü tsosho tüsho püpürü thrürü niuberü kamsho, apinü alibe kilim yüloba de? Hadürü lo ju tode mümüneanba de? Nünü müyamrü ahihdo kheak müzammüramdo; tüsho nü I kilim arüloba de? Atungpuhnü thachoh.

HOSEA 2:14

Jumonü, kheakü inü alibe münitbah, tüsho anihbe sunglo ching bede yüzahbah, tüsho alibe ki muzhode athabah.

HOSEA 2:16

Atungpuhnü thachoh, ju nimung nünü I ki, “ I niubuh,” de ajibah tüsho I ki kheaküa, “ I yo Baal” de müji.

LEVI 19:17

Nünü nü mulong chingnü keoniorü müthraneanbeah, tüsho nü yamhingrü tsükjide thürühang, jude yungsho api neak nünü ahanbah.

LEVI 20:10

Athrürü shepünü nihbuh yamhingrü niuberü kheak müzammürambanü, müzammürambuh tüsho müzammürambe ane chido dükde asheshihbah.

WÜHKHE 22:22

Judüki Thrünpuh bukakhiuk tümütüsho Balaam yüde alakheah, tüsho Atungpuh yunirünü api azhihde limro ching zhip. Balaamnü anihbuh donki kheak binbah be tüsho api yamlarü mahne api lung lakheah.

MATHI 1:19

Josep ju thiyuro mihtsürü lakheah, jumonü boto ki Mari mungchih müngüshihpü aramlimnü thiyu bahloachihpü lüm.

JOHAN 8:11

Alibenü alo, “Atobuh, shenü she mübahyuk.” Tüsho Jisunü alibe ki tha, “Inü she nü mübahyuk; yüang tüsho neak düyihbeaklo.”

GALATIA 6:1

Keoniorübo, mihtsürü khürü neak ramkhitsho, nüsa me-larünü me azhihayih chingnü api beloang. Nüsa she rükaki ching müyüzahpü thsüde kurhangang.

MAHKHAPRÜ 15:1

Ju dunglim, wheat yimlu kim ching Samsonnü mihnu nunu lu tüsho aniube rhua kheahpü yü. Apinü tha, “I niube yappung ching, anihbe kilim yüanü.” Tüshe abuhnü api ayüzahpü mümülü.

MAHKHAPRÜ 19:2

Tüshe alibenü api ki thiyuro mülakheah. Alibenü api bahjihbah Juda ching lakhi Bethlehem ching abuh yam lim alode yü, tüsho ju ching khinu phüyi amuyung lakheah.

MAHKHAPRÜ 19:26

Yapsu mükikde alibenü arü tüsho anihbe putungrü lapung yam khimdopü ki ayinkhi khiungde yap.

MAHKHAPRÜ 19:4

Kheakü anihbuh akü, alibe abuhnü api tholo; tüsho apinü anihbuh lung nimung mahsam lakheah. Jumonü arünü tsühyungde ju ching mung.