MAHKHAPRÜ 19:12 - AMÜSÜH HÜM CL Bible (BSI)

¹² Api putungrünü alo, “Yung, Israel mihtsürü yungkhi khiungkerü kiuto ching isa müyüzah. Isa Gibea lim yübah.”

MAHKHAPRÜ 19:12 Iomraidhean Croise

ISAIA 10:29

arübo alakshak-limro hode yüdo, Geba ching arü tsüngrekhüh thsungkheak binkheamlah; Rama ajanchoh, Saul yo Gibea tsodo.

HOSEA 5:8

Gibea ching shihjuh mütang, Rama ching hulipungpung mütang. Beth-aven ching arhunganim düsheak thsang; nü dunglim mürüngang, Benjamin!

HOSEA 9:9

Arünü Gibea nimungbo ching nangde arü zangrü sükde thsümünimdo; apinü arü amülim-rhimobo lümkhitbah, apinü arü neakbo dün thsümüchibah.

JIHUSUA 18:25

Gibeon, Rama, Beeroth,

JIHUSUA 18:28

Zela, Haeleph, Jebus (ju Jirusalem), Gibea, tüsho Kiriath-jearim: kiulongbo bebah kiuto 14. Ha Benjamin tsührübo yamrüplurüp ah.

MAHKHAPRÜ 19:11

Arübo Jebus thüninde lakheah tüsho nimung hoabahde alakheah; tüsho yamlarünü anihbuh putungrü ki tha, “ Muzhobah arang, tüsho alode yübah Jebusrü kiuto ching yapanü.”

MAHKHAPRÜ 19:13

Jumonü apinü ayamlabuh ki tha, “ Arang, isanü harü dangpung khürü phünide yüanü tüsho Gibea yungsho Rama ching yapanü.”

1 SAMUEL 10:26

Saul she api yam lim Gibea ching yü, tüsho api lung Thrünpuhnü mulong qiukhi adüküng bonungrübo yü.

1 SAMUEL 13:2

Israel bolung ching Saulnü 3000 mokhit; 2000 ju Mikmash tüsho Bethel awung lomi ching Saul lung lakheah, tüsho 1000 ju Benjamin lomi Gibea ching Jonathan lung lakheah; aningkhi mihtsürübo apinü nihbuh khimyambo ching thiyia yüshih.