MAHKHAPRÜ 18:7 - AMÜSÜH HÜM CL Bible (BSI)

⁷ Jumonü mihtsürü phüngü ju chamachih tüsho Laish ching yü. Ju ching mihtsürübo ju Sidonrü yakli nangde keamramde tüsho kuram tsükhi ching lakheah. Arü ki achih kippü thsüde lomi ching yakzanshuhrü mülakheah. Arübo Sidonrü kheaknü limshude alakheah tüsho she kheak she chingkihachihde müla.

MAHKHAPRÜ 18:7 Iomraidhean Croise

1 KIULONG THSÜRÜ 1:6

Anihbuh abuhnü küyimkishe, “Tümüde nünü ha tüsho ha ruk rhimokhea?” de keokhide api müthürüh. Kheaküshe api khide akheahakham mihtsürü lakheah, tüsho api ju Absalom khin zübekheah.

1 KIULONG THSÜRÜ 16:31

Nebat tsührü Jeroboam neakbo ching tsahpü ju api thsungkheaknü athülih müdam, apinü Sidonrü kiulongthsüpuh Ethbaal tsührü Jezebel aniube thsüpü lu, tüsho yübah Baal tankih tüsho api kingaün.

1 KIUTHSÜYUKHEAN 4:40

ju ching arünü suhdahkhi rimlopung atsü ngü, tüsho alo ju khide amülih, azhikpung, tüsho mungtsü lakheah; akhuhlim ju ching Hamrü lakheah.

JEREMIA 49:31

Asürang, lalim tsüde akhimahe ching, chipiripit yungsho akhrihbe mülade alangzü lakhi trükshih yanang, Atungpuhnü thachoh.

ROMRÜ KILIM PAULNÜ ATHRÜTKHI KIHÜM HUHTANYU 13:3

Tümüde yakzanshuhrübo ju atsü rhimorü ki mihtrebe yung tüshe amütsürü ki ah. Shepü thiyukhümsühmüh lanü nünü api ki mütrebea de? Junangde nünü tümü atsüanü rhimoang, tüsho apinü nü shijihbah,

JIHUSUA 19:47

Küyimki Dan mihtsürübo arü lo dükheakkheanü arünü Laish ching yübah yan. Arünü ju yankhita lubah mihtsürübo nukshangnü laksah tüsho arü jipürü Dan mung jimulode kiuto ju Laish chingnü Dan de müthribah ju ching la.

1 PETER 2:14

yungsho amülim rhimorü thsümüchipü tüsho alim rhimorü shijihpü apinü thiyikhi kovünorbo.

AMIKHEAKAKHIUKKHI 18:7

Anihbenü müretah-a lukhi tüsho müthangmüsün ahorikhi nangde, alibe kilim ju ruk adüna thsümüchi tüsho tüzhopü jihang. Tümütüsho anihbe mulong ching alibenü thachoh, ‘I kiulongthsüberü thsüde binlah; I a khimoberü yung, I küyimkishe mütüzho,’

MAHKHAPRÜ 18:29

Tüsho arünü kiuto mung ju Israel kilim zübejihkhi arü bebuhrü Dan mung jimulode Dan de ji. Tüshe adüso kiuto mung ju Laish lakheah.

MAHKHAPRÜ 18:6

Tüsho amükeambuhnü arü ki tha, “ Mungtsü chingnü yüang. Nüsa limro ching Thrünpuh nüsa lung lashang.”

MAHKHAPRÜ 18:8

Judüki zütakheahrübo arü keoniorü kilim Zora tüsho Eshtaol ching arü, tüsho arü keoniorübonü tha, “Nüsa yusheak tümü a?”

1 SAMUEL 3:13

Tümüde apinü amükheahkhi neak dünkheak inü api yamkhün lünnü athsümüchibah de thado, tümütüsho atsührübonü Thrünpuh ki amülim yu tha, tüsho apinü arü müyankhi.