MAHKHAPRÜ 18:30 - AMÜSÜH HÜM CL Bible (BSI)

³⁰ Judüki Danrünü arü thsungkheak asümkhi sangthsü zhipshih; tüsho Mosa tsührü, Gershon tsührü Jonathan tüsho api tsührübo lomi ramtso ching lakhi khiungde Dan trük amükeamrübo lakheah.

MAHKHAPRÜ 18:30 Iomraidhean Croise

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

2 KIULONG THSÜRÜ 17:18

Jumonü Atungpuhnü Israel kheak khide bukakhiuk tüsho api mikinü arü yihkhita bah; Juda trük kheak hode sheshe maning.

2 KIULONG THSÜRÜ 17:20

Atungpuhnü Israel tsühsoniusobo alala bahyuk; apinü arü thsümüchi tüsho api mikinü yankhita mübahyi khiungde arü riri bukmükerü khah ching jih.

2 KIULONG THSÜRÜ 17:22

Israel mihtsürübonü Jeroboamnü ayihbeakkhi neakbo ching mutuklode la; arünü jurü kheaknü müchamkhi.

2 KIULONG THSÜRÜ 17:23

Apinü ayamlarü wukihrübo hode athajungkhi nangde Atungpuhnü Israel amikinü müyihkhityi khiungde alakheah. Jumonü Israelnü nihbuh lomi chingnü Asiria ching tsode yünü khihni khiungde la.

ABEKHIT 18:3

tüsho atsührü mahne Gershom tüsho Eliezer. (Mosanü tha, “I khiungkerü lomi ching hanrü khülang lakheah;” jumonü apinü tsührü khülang mung Gershom de ji.

ABEKHIT 2:22

Anihbenü api khilim tsührü athrürü 1 zübejih, tüsho Mosanü api mung Gershom de ji tümütüsho apinü tha, “Khiungkerü lomi ching I tsotsahrü thsüde lah.”

ABEKHIT 20:4

“Nünü nü thsungkheak thüning, yungsho alo kheak lakhi, yungsho ke ching lakhi tümükhüh kiphahde sangthsü düthsü;

LEVI 26:1

Nüsanü nüsa thsungkheak sangthsü tümü düthsü tüsho sangthsü yungsho dungjing düzhipshih, tüsho khukningde kingaünpü thsüde lung lamkhita nüsa lo ching düzhipshih; tümüde I Atungpuh nüsa Thrünpuh.

YUZÜNGTHALO 27:15

“‘Shepünü lung, sang tüsho yinchinü thsüa ramde kingaünchonü api muthrumünean thsang; Atungpuhnü sangthsü kingaünkhi thraneanchoh.’ Tüsho mihtsürü alalanü athabah, “Amen!”

YUZÜNGTHALO 31:16

Tüsho Atungpuhnü Mosa ki tha, “Kheahang, nü nü buh pürü lung sühakhimbah; tüsho ha mihtsürübonü asürübah tüsho khiungkerü lo thrünpuhbo kheak müzammüram ahoribah, küching arü yübanü jurü bolung labah, tüsho arünü I bahyukbah tüsho inü arü kheak tangzüngkhi thsümünimbah.

YUZÜNGTHALO 31:29

Tümüde I sheabahshu nüsa shahde athsümünimbah de inü mükheahlah, tüsho inü nüsa ki thiyukhüm jihkhi limro chingnü rholode atsobah; tüsho ju dunglim nimungbo ching amütsübo nüsa kheak akihbah, tümütüsho nüsanü Atungpuh mük kinü amütsü rhimode, nüsa khahnü arhimokhi hode api bahyukde abukakhiukshihbah.”

MAHKHAPRÜ 13:1

Kheaküshe Israel mihtsürünü Atungpuh miki amütsü rhimo, tüsho Atungpuhnü arü kam yirü Filistiarü khah ching jih.

MAHKHAPRÜ 17:3

Jumonü küyimki apinü shotoyinchi 1100 ju abe kilim jihlokhea, abenü tha, “Inü I tsührü thsungkheak sangthsü thsüjihpü I khah ching shotoyinchi Atungpuh kilim abümnü müsühkhitdo; jumonü nü kilim jihlobah.”

MAHKHAPRÜ 17:5

Mika a arüngakopung khülang lakheah, tüsho arüngako kukruk tüsho yambuk sangthsübo thsüa lakheah; tüsho apinü atsührü khülang amükeamrü thsüshih.