MAHKHAPRÜ 18:24 - AMÜSÜH HÜM CL Bible (BSI)

²⁴ Apinü alo, “Nüsanü inü athsükhi thrünpuhbo le I yo amükeamrü lude tsoa lah. I tümü lale de nüsanü I ki keocho, ‘Nü tümü thsüa la?’”

MAHKHAPRÜ 18:24 Iomraidhean Croise

THRÜNTAN 31:30

Kheakü atsütsü nü tsodo, tümütüsho nünü nü buh yamkhün tode lümrhihlah, tüshe tümüde nünü I thrünpuhbo ahühkhea?”

THRÜNTAN 31:34

Kheakü Rachelnü yambuk thrünpuhbo lubah kemel düthsün kheak binpung khüp yuk tüsho jurü kheak bin. Labannü khimyam alala ching kheah tüshe jurü müyimkhit.

2 KIUTHSÜYUKHEAN 25:15

Atungpuhnü Amazia kheak bukakhiuk tüsho api kilim wukihrü khülang yüshihbah api ki tha, “Tümüde nünü nü khah chingnü arü mihtsürübo mübekhitkhukkhi mihtsürü thrünpuhbo yimkhea?”

MUNGSHIKHÜN 115:8

Sherünü jurü thsükheanü arü nangde lah; jurü kheak kinrü abannü junangde lah.

JEREMIA 50:38

Kebo azhihde akung lah, junangde jurübo angahbah! Tümüde ha mejakbo lomi khülang tüsho arünü sangthsübo dunglim bünde yüchoh.

JEREMIA 51:17

Mihbüm abannü zhazhalah tüsho mükheahmudu müla; sunakingrübo alala arü sangthsübo hode achih ngüdo; tümüde arü mejakbo amülim tüsho arü kheak sheak müla.

EZEKIEL 23:5

Oholanü anihbe I yo lachoki müzammüram thsü; alibenü anihbe muzhorü Asiriarü, thirithsürübo mürüh,

YUNIRÜBO RHIMO 19:26

Tüsho Efisia ching lang yungde Asia alala ching Paulnü, khahbonü athsükhi thrünpuhbo a thrünpuhbo yung de thade mihtsürü ahihkhüh münityukde atsokhi nüsanü ngülah tüsho sochoh.

AMIKHEAKAKHIUKKHI 17:2

Alomi kiulongthsürübonü anihbe kheak müzammüram yihbeak tüsho alomi ching larübo anihbe müzammüram yukhunü müshangshih.”

MAHKHAPRÜ 17:13

Mikanü tha, “ Kheakü Atungpuhnü I ki tsüde alabah de mükheahlah, tümütüsho I a Levirü amükeamrü khülang lah!”

MAHKHAPRÜ 17:5

Mika a arüngakopung khülang lakheah, tüsho arüngako kukruk tüsho yambuk sangthsübo thsüa lakheah; tüsho apinü atsührü khülang amükeamrü thsüshih.

MAHKHAPRÜ 18:23

Arü dunglim arünü azhichoki, Danrünü rholobah Mika ki tha, “Nü tümü thsüa nü mihtsürübo keochihpü jimukhunga la?”

MAHKHAPRÜ 18:25

Danrünü alo, “Isa kheak datsangachih, jude yungsho bukmüke mihtsürü khürünü nü zündobah, tüsho nü le nü yamkhün rhangdung dükheakbah.”