MAHKHAPRÜ 18:2 - AMÜSÜH HÜM CL Bible (BSI)

² Jumonü Danrünü athrungrü phüngü lomi züta kheahshihpü Zora tüsho Eshtaol chingnü yüshih. Harü mihtsürübo ju arü guk aban chingnü alakheah. Arünü arübo ki tha, “Yüang, lomi züta kheahang.” Jumonü arünü Ephraim müzüngbo ching, Mika yam lim yü tüsho ju ching bin.

MAHKHAPRÜ 18:2 Iomraidhean Croise

THRÜNTAN 42:9

Judüki Josepnü arü dünkheak apinü milimbo mikhi lümkhit, tüsho arü ki tha, “Nüsa rükramrübo ah! Isa lomi mükümdokhi kheahpü nüsa arüa lah!”

MÜCHITMUDU 20:18

Athsunganah yimde lümkhibo thsang; thirithsüpü lasho, lümthiyan luang.

WÜHKHE 13:17

Jumonü Mosanü arübo Kanan lo züta kheahpü thiyi, tüsho arü ki tha, “Negeb hode awung lomi ching yüang,

LUKNÜ ATHRÜTKHI THIYUSHEAK-ATSÜ HUHTANYU 14:31

Yungsho kiulongthsürü khülangnü api azhihde 20,000 bebah arükhi, apinü mihtsürü 10,000nü bebah thirithsüpü kukla shi mukuknü akhuhde binbah lümamükheahcho de?

JIHUSUA 15:33

Tüsho Lokeamlo ching lakhibo ju Eshtaol, Zora, Ashna,

JIHUSUA 19:41

Arü yamrüplurüp lomi ju Zora, Eshtaol, Irshemesh,

JIHUSUA 2:1

Jihusuanü thirirhurü mahne Kanan tüsho adungto thsüde Jirikho lomi ramde rhua kheahshihpü Shittim chingnü thiyukhüm jihbah yüshih. Anenü yü tüsho ju tsüngre müzammürambe Rahab yam ching bin.

JIHUSUA 2:2

Ju tsüngre Israelrü khürü lomi rük yimpü arüa lah de Jirikho kiulongthsüpuhnü so,

MAHKHAPRÜ 13:2

Kheakü mihtsürü khülang Dan yamkhün Zora chingnü amung Manoa lakheah; aniube ju tsührü mülade aniungyüh lakheah.

MAHKHAPRÜ 13:25

Tüsho Zora le Eshtaol dükeak Mahane Dan ching A TUN GPU H menü api kheak thurumusupü tankih.

MAHKHAPRÜ 16:31

Api keoniorü tüsho abuh yamkhün alala akibah api lude wutubah abuh Manoa kiuyuk ching Zora tüsho Eshtaol dükeak kiuyukabah. Apinü Israel kam muku mahkhap.

MAHKHAPRÜ 17:1

Kheakü mihtsürü khülang Ephraim müzüngbo ching, amung Mika lakheah.

MAHKHAPRÜ 18:11

Judüki Dan guk chingnü thsühnuk hanbah keochihpü Zora tüsho Eshtaol chingnü mihtsürü 600 tsahmusu.

MAHKHAPRÜ 18:13

ju chingnü arübo Ephraim awung lomi ching yü tüsho Mika yam ching arü.

MAHKHAPRÜ 18:3

Küyimki arü Mika yam ching lakheanü, arünü athrününgtsüng Levibuh düsheak mütsankhit. Arünü tsahhuhbah api ki tha, “Nü shenü ha ching bedarükhea? Nü ha ching tümü rhimocho?”

MAHKHAPRÜ 18:8

Judüki zütakheahrübo arü keoniorü kilim Zora tüsho Eshtaol ching arü, tüsho arü keoniorübonü tha, “Nüsa yusheak tümü a?”

MAHKHAPRÜ 19:1

Judüki nimungbo ching Israel ching kiulongthsürü mülade alakheah. Kheakü Ephraim awung lomi ashang ching lakhi Levirü khülangnü Juda ching lakhi Bethlehem chingnü hanniube khülang lu.

MAHKHAPRÜ 19:18

Apinü alo, “Isa Juda ching lakhi Bethlehem chingnü limshu Ephraim wungbo lim yüchoh. I Juda ching lakhi Bethlehem ching yükheah tüsho I yam lim yüchoh; tüsho shenü she I api yam ching bede müyü.