MAHKHAPRÜ 18:10 - AMÜSÜH HÜM CL Bible (BSI)

¹⁰ Küyimki nüsa yübanü, kuram tsükhi mihtsürü tüsho alo ato ching arübah. Tümüde ha lomi kheak tümü müngüde mülapung dangpung khülang Thrünpuhnü nüsa khah ching jihdo.”

MAHKHAPRÜ 18:10 Iomraidhean Croise

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

EZEKIEL 20:6

Ju nimung inü arü ki Ijip chingnü arü thsungkheak yimkhitkhi niuhke tüsho mukhuke bukkhi lomi, alala kheaknü khide akhamkhi lomi ching bekhitpü arü ki thiyuchihchim thsü.

YUZÜNGTHALO 2:29

ju Esau tsühsoniusobo Seir ching larü tüsho Ar ching larü Moabrünü, Atungpuhnü isa kilim jihkhi lo ching yüchoki Jordan muhoyi khiungde isa kheak rhimokhi nangde.

YUZÜNGTHALO 4:1

“O Israel, inü nüsa ki thsangyukhi yakzanbo tüsho thiyuzüngbo kheakü aniang, junangde nüsa rhangdung labah, tüsho Atungpuh nüsa bebuhrü Thrünpuhnü ajihkhi lo nüsanü yübah alubah.

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.

JIHUSUA 2:23

Thirirhurü mahne ju awung ching akibah keto ho, tüsho Jihusua kilim alode arübah adünjikhi alala anenü api ki thaa huh.

JIHUSUA 2:24

Anenü tha, “Atungpuhnü lomi athrünkhi isa jihdo de tsükjide thakhuklah, tümüde ju lomi ching larübo alalanü isa khide trechoh.”

JIHUSUA 6:16

Tüsho thüne nipü, küyimki amükeamrübonü hulipungpung mütkhea, Jihusuanü mihtsürübo ki tha, “ Ahoang! Tümüde Atungpuhnü kiuto nüsa kilim jihdo.

MAHKHAPRÜ 18:11

Judüki Dan guk chingnü thsühnuk hanbah keochihpü Zora tüsho Eshtaol chingnü mihtsürü 600 tsahmusu.

MAHKHAPRÜ 18:27

Jumonü arünü Mikanü athsükhi kukrukbo tüsho api yo amükeamrü lu tüsho keamramde tüsho kuram tsüde alarü mihtsürü kilim Laish ching yü; tüsho arünü nukshang mulonü arü laksah tüsho monü kiuto takabah.

MAHKHAPRÜ 18:7

Jumonü mihtsürü phüngü ju chamachih tüsho Laish ching yü. Ju ching mihtsürübo ju Sidonrü yakli nangde keamramde tüsho kuram tsükhi ching lakheah. Arü ki achih kippü thsüde lomi ching yakzanshuhrü mülakheah. Arübo Sidonrü kheaknü limshude alakheah tüsho she kheak she chingkihachihde müla.

MAHKHAPRÜ 18:9

Arünü tha, “ Asürang, isanü arü azhihde wutuanü. Tümüde isanü alo ngüdo tüsho ju khide tsülah. Nüsanü tümü müthsübea de? Alo müküh-a lupü yüzahpü nüsanü düdükiuhlo.