MAHKHAPRÜ 17:5 - AMÜSÜH HÜM CL Bible (BSI)

⁵ Mika a arüngakopung khülang lakheah, tüsho arüngako kukruk tüsho yambuk sangthsübo thsüa lakheah; tüsho apinü atsührü khülang amükeamrü thsüshih.

MAHKHAPRÜ 17:5 Iomraidhean Croise

THRÜNTAN 31:19

Kheakü Laban anihbuh yo namfimihnu nam rhippü yüa lakheah, tüsho Rachelnü abuh yo yambuk thrünpuhbo ahüh-a lu.

THRÜNTAN 31:30

Kheakü atsütsü nü tsodo, tümütüsho nünü nü buh yamkhün tode lümrhihlah, tüshe tümüde nünü I thrünpuhbo ahühkhea?”

1 KIULONG THSÜRÜ 12:31

Apinü awung achangbo kheak thüyambo she thsü, tüsho Levirü yungde, mihtsürü alala bolungnü amükeamrü zojih.

1 KIULONG THSÜRÜ 12:32

Jeroboamnü Juda ching lakhi thünio nangde khinu tizheah nimung thürükheak phüngü nipü thünio mungpü akhukhit, tüsho apinü kingaün sadam kheak laksah-a kingaünkhibo jih; junangde apinü athsükhi moshi nunubo kilim Bethel ching laksah-a kingaün. Tüsho apinü athsükhi awung achangbo amükeamrübo ju Bethel ching zojih.

EZRA 1:7

Kiulongthsüpuh Nebukednezarnü Jirusalem arüngyam ching yo pungphuru lude yünü api thrünpuh arüngyam ching zokhibo she Sairusnü yihkhit.

ABEKHIT 24:5

Judüki apinü Israel athunu mihtsürü yüshih, tüsho arünü taka kingaünkhi tüsho moshipungbo laksah-a Atungpuh kilim mungtsü kingaün jih.

ABEKHIT 28:15

“Adüngakhi mütsanjihpü treangkhümbe rhimosorünü arhimokhi amükeamrü khim nangde thsang: suna, biyi, mürümmuchu, aneakrüm hing, tüsho tsüde yakkhokhi khimthünak.

ABEKHIT 28:4

Arünü athsüpü khimmihbo ju harü labah: treangkhümbe, amükeamrü khim, shulünkhim, tsüde akeakkhi pangkhümpü, kuhingbe, tüsho chimrümbe. Junangde arünü nü khiung Aron tüsho api tsührübo thsungkheak amüsüh khimmihbo thsübah, junangde apinü amükeamrü thsüde I tankihbah.

ABEKHIT 29:9

tüsho arü ku kheak kuthran thranjang. Aron le atsührübo kheak chimrümbe rümjang. Amükeamrü thsüpü ju lünnü arü yo thsüpü thiyuzüng labah.

ISAIA 44:13

Sangrhimosorünü liu züngchoh, lungmüyenü thrütareakchoh, athsukbenü thsukarihchoh, yinchikheambonü nanarihchoh; apinü ju akheahakham mihtsürü nangde kingaünpung ching zopü thsüchoh.

EZEKIEL 21:21

Tümüde Babilon kiulongthsüpuhnü kuhi kheahpü limdübeak ching, limro mahne dübeakkhi kheak tuklobah: Apinü hühzo mahnenü azan thsübah, apinü anihbuh sangthsübo keobah, apinü shihmüsan kheak kheahbah.

EZEKIEL 21:26

ha Wuto Atungpuhnü thachoh: Kuhingbe yihkhiang, kuthran yihkhitang. Ju ruk lakhi nangde ju müla: Abobe shuhkihbah tüsho shuhkih-a lakhi abobe kamshihbah.

HOSEA 3:4

Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah.

HOSEA 8:14

Israelnü api Thrünrü mihdo, tüsho kiulongthsürü-yambo thsüa lah; tüsho Judanü kiuto ahihdo chipi ayündo; tüshe inü arü kiutobo kheak mo thsahkihbah, tüsho hanü api chipibo takabahbah.

WÜHKHE 3:10

Jumonü nünü Aron le atsührübo rhimo ching yüzahshang, tüsho arünü arü amükeam rhimo thsübah; tüshe püpürü shepünü phünide arübanü api asheshihbah.

IBRI 5:4

Shenü she nihbuh küdahnü wüntre muluchoh; Aron nangde api ju Thrünpuhnü jia labeah.

MAHKHAPRÜ 17:4

Hanangde apinü shotoyinchi abe kilim jihlo. Jushu abenü shotoyinchi 200 yinchizünrü kilim jih, tüsho apinü junü sangthsü khülang thsübah shotoyinchinü lüpdo; tüsho jurübo Mika yam ching lakheah.

MAHKHAPRÜ 18:14

Judüki mihtsürü phüngü Laish lomi zütakheahrünü arü keoniorübo ki tha, “ Ha yambo ching kingaünbe kukruk, yambuk sangthsübo, asümkhi tüsho anungkhi sangthsübo lah de nüsanü mükheahnah? Kheakü jumonü nüsanü tümü thsübanü lümakheahang.”

MAHKHAPRÜ 18:24

Apinü alo, “Nüsanü inü athsükhi thrünpuhbo le I yo amükeamrü lude tsoa lah. I tümü lale de nüsanü I ki keocho, ‘Nü tümü thsüa la?’”

MAHKHAPRÜ 18:30

Judüki Danrünü arü thsungkheak asümkhi sangthsü zhipshih; tüsho Mosa tsührü, Gershon tsührü Jonathan tüsho api tsührübo lomi ramtso ching lakhi khiungde Dan trük amükeamrübo lakheah.

MAHKHAPRÜ 8:27

Gideonnü sunanü sangthsü khülang thsüa api lapung kiuto, Ophra ching zo. Israel alalanü Thrünpuh bahyuk tüsho yübah sangthsü kingaün. Gideon tüsho api yamkhün thsungkheaknü ju qimürip kamabah.

1 SAMUEL 19:13

Mikalnü sangthsü khülang lubah yapkiu kheak yapshih; anihbenü mihnu nam aku kheak yihkihbah khimnü phudoa zojih.

1 SAMUEL 23:6

Küyimki Ahimelek tsührü Abiatharnü Keilah ching David kilim yükhea, api khah ching amükeamrü khim shuhbah aki.