MAHKHAPRÜ 16:7 - AMÜSÜH HÜM CL Bible (BSI)

⁷ Tüsho Samsonnü alibe ki tha, “ Arünü sanglüh zhi amukungyikhi aso thünenü I rhüksho I yiuhyiuhde akambah, tüsho püpürü mihtsürü nangde akambah.”

MAHKHAPRÜ 16:7 Iomraidhean Croise

MÜCHITMUDU 12:19

Thiyuro münküp ju lünnü rünkhiungbah, tüshe keangtha mulo anükhühkheak thsungkheak ah.

MÜCHITMUDU 17:7

Wüntre lakhi mihtsürünü akeangyu müthachoh, tüsho makharünü athülünkhi tümü thapü müla.

ROMRÜ KILIM PAULNÜ ATHRÜTKHI KIHÜM HUHTANYU 3:8

Dale tüsho, “Atsü arüpü thsungkheak isanü amütsü rhimoanü” de isanü tümüde müthapü? Mihtsürü khürünü hadürü thade I mükhemükimdo! Arü thülünde abahyukbah.

GALATIA 6:7

Nüsa küdah thsüde dümülapyuk; Thrünpuh keangrüpü mukuk, tümüde mihtsürünü tümüpürü hiuchonü apinü ju lang yimlubah.

KOLOSI 3:9

Khülangnü khülang ki akeangyu dütha, tümütüsho nüsanü awün yakli rhimobo bahdo,

MAHKHAPRÜ 16:10

Judüki Delilanü Samson ki tha, “ Kheahang, nünü I ki keangrüchoh tüsho akeangyu thachoh. Kheakü muzhobah nü tümünü arhükbeanü thaa huhang.”

MAHKHAPRÜ 16:6

Jumonü Delilanü Samson ki tha, “Nü sühmüh ato küching la, tüsho tümünü rhükbah nü thsümüchibeanü muzhobah I ki thaang.”

MAHKHAPRÜ 16:8

Jumonü Filistia kiulongthsürübonü sanglüh zhi amukungyikhi aso thüne alibe kilim lude atu, tüsho alibenü jurünü api rhük.

MAHKHAPRÜ 16:9

Kheakü mihtsürübo anihbe lung khiungshak ching aleangde yapa lakheah. Tüsho alibenü api ki tha, “Samson! Filistiarü arüchoh.” Tüshe apinü sanglüh zhibo ju monü hingliu takshakkhi nangde rukshakabah. Jumonü api sühmüh rama lakhi ju mümükheahde alakheah.

1 SAMUEL 19:17

Saulnü Mikal ki tha, “ Tümü thsükhi ha ruk nünü I rükakibah I riri tsokhishihkhea?” Mikalnü Saul ki alo, “ Apinü I ki tha, I tsoshang; tümü thsüpü inü nü laksahpü?”

1 SAMUEL 27:10

Judüki Akishnü keokhi, “ Khihni nü she azhihde thirithsükhea?” Davidnü alo, “ Judarü Negeb azhihde,” yungsho “ Jerameelrü Negeb azhihde,” yungsho, “ Kenrü Negeb azhihde.”