MAHKHAPRÜ 16:5 - AMÜSÜH HÜM CL Bible (BSI)

⁵ Filistiarü kiulongthsürü phüngü yü tüsho alibe ki tha, “ Api ki rük thsüang, tüsho api sühmüh ato küching la tüsho isanü küde thsah api kukbanü yimkhitang, junangde isanü api thsümüchipü thsüde arhükbah; tüsho isa mihbüm abannü nü kilim shotoyinchi 1100 jihbah.”

MAHKHAPRÜ 16:5 Iomraidhean Croise

THRÜNTAN 33:16

Jumonü Esaunü ju nimung nihbuh limro ching Seir lim yülo.

MIKA 7:3

Arü khahbo amütsü thsüpü yuklah; atorü tüsho mahkhaprünü buknim kheangchoh, tüsho wularübonü arü künkhi thachoh; hanangde arünü lümkhi amütsü thsüchoh.

MATHI 26:15

tüsho tha, “Inü api nüsa kilim jihsho nüsanü I kilim tümü jihpü mulongla?” Tüsho arünü api kilim shotoyinchi 30 khekhita jih.

JIHUSUA 13:3

tüsho düjinglim Avvim lomi alala. (Ijip aredung yean ching Shihor kenü lo chingnü Ekron aredung yean dukulim khiungde Kananrü de ajikheah; Filistiarü yakzanshuhrü phüngü ju Gaza, Ashdod, Ashkelon, Gath, tüsho Ekron ching lakheah.)

MAHKHAPRÜ 14:15

Jumonü arünü nimung phüyi nipü Samson niube ki tha, “Nü niubuh ki rük thsang, junangde apinü isa ki akeokhikhi thanaka huhbah, jude yungsho isanü nü le nü buh yamkhün monü atakbah. Isa yo lujihpü nünü isa jiyukkhea de? Jude yung shi?”

MAHKHAPRÜ 16:4

Kim anükhüh dunglim, apinü Sorek jindükhün ching lakhi aliberü khülang Delila kheak muzho.

MAHKHAPRÜ 16:6

Jumonü Delilanü Samson ki tha, “Nü sühmüh ato küching la, tüsho tümünü rhükbah nü thsümüchibeanü muzhobah I ki thaang.”

MAHKHAPRÜ 17:2

Tüsho apinü abe ki tha, “Inü sode nünü alubuh muthrumüneankhi shotoyinchi 1100 I kilim lah; ju inü alukheah.” Tüsho abenü api ki tha, “I tsah-a, Atungpuhnü nü müngühshang!”

MAHKHAPRÜ 3:3

Filistiarü yakzanshuhrü phüngü, Kananrü alala, Sidonrü tüsho Baal-hermon chingnü Lebo-hamath khiungde Lebanon Müzüng kheak larü Hivrübo.

1 SAMUEL 29:6

Judüki Akishnü David ji tüsho api ki tha, “Nünü I kheak thiyuro lado de Atungpuh mung tamde thiyuchihchimchoh, tüsho inü alungki lümkhia, nü I lung thirithsü ching labeah; tümüde nü I kilim arükhi nimungnü khihni khiungde inü nü kheak tümü amülim müngü. Judüalalashe püpü kiulongthsürübonü a nü ju mükheyuk.