MAHKHAPRÜ 16:30 - AMÜSÜH HÜM CL Bible (BSI)

³⁰ Judüki Samsonnü tha, “I Filistiarü lungnü sheanü!” Apinü asühmüh alalanü nim tüsho arüngyam ju kiulongthsürübo le mihtsürü ju ching larü alala kheak keam. Junangde api shechoki laksahkhi ju anihbuh rhangdung lachoki laksahkhi kheaknü ahihbe lakheah.

MAHKHAPRÜ 16:30 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

JOB HU H T ANYU 20:5

mihbukmuyuk asühpü khihlah, tüsho Thrünpuh mümükheahrü asühachihpü kim anükhüh lang ah?

JOB HU H T ANYU 31:3

Mihbukmuyuk thsungkheak athsümünim, amülim rhimorü thsungkheak thsümütsü yung de?

MUNGSHIKHÜN 62:3

Nüsa alalanü shahwün keamkhi kheaknü alü sühmüh mülakhi mihtsürü külokhüh müshamba?

T H S AN GYU T H S AN GR ARÜ 9:12

Tümüde thsümütsü kim shenü mümüchitkhuk. Keang ching thüngüh phuhkhi nangde, tüsho qimürip ching wuhnu phuhkhi nangde, zukleangnü arü kheak keamchoh, thsümütsü kim ching mihtsürübo phuhchoh.

MATHI 16:25

Tümüde shepünü nihbuh rhangdung khümkhitnebanü ju adükheakbah, tüsho shepü I dünkheaknü nihbuh rhangdung dükheakbanü ju angübah.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 21:13

Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.”

FILIPI 2:17

Tüshe nüsa akinnü Thrünpuh kilim jihkhi shuhmülanga kingaünkhi kheak I thiyih bukkihkih she, inü nüsa alala kheak asühlah tüsho asühachihchoh.

FILIPI 2:30

tümütüsho nüsanü mukukkhi, api rhangdung jihde I rungpü ching, Khrista rhimo thsungkheaknü api shemüchihdo.

FILIPI 2:8

Tüsho mihtsürü shihphü nangde azhihayihde kambah ashepü ching, sangkim kheak shepü she mihyuani.

KOLOSI 2:15

Wubo tüsho thiyukhüm-sühmühbo kheamshihde, apinü sangkimnü jurü kurungkheak akuk ngüde botonü kheahshih.

1 TESALONIKA 5:2

Tümüde Atungpuh nimung ju azhing ching ahührü khülang nangde arübah de nüsanü mükheahlah.

MAHKHAPRÜ 14:19

Judüki Atungpuh me api kheak tode arü, tüsho apinü Ashkelon lim yüki tüsho mihtsürü 30 laksahbah arü khimmih lu tüsho amüthribe khimmih ju akeokhikhi thakhukrü kilim jih. Junangde api khide bukakhiuk, tüsho abuh yam lim alode yü.

MAHKHAPRÜ 15:15

Apinü donki mükhühnuk aso khülang ngükhi akhah chunga yüshihbah ju lu, tüsho junü mihtsürü 1000 laksah.

MAHKHAPRÜ 15:8

Jumonü apinü arübo lungchihde yan tüsho hihde laksah; jushu apinü yükibah Etam lungkhün ching la.

MAHKHAPRÜ 16:29

Tüsho Samsonnü arüngyam phulung duhlokhi dungjing mahne ki yü, tüsho khülang tsülim tüsho püpü huzulim thsübah düngde tholo.

MAHKHAPRÜ 16:31

Api keoniorü tüsho abuh yamkhün alala akibah api lude wutubah abuh Manoa kiuyuk ching Zora tüsho Eshtaol dükeak kiuyukabah. Apinü Israel kam muku mahkhap.