MAHKHAPRÜ 16:25 - AMÜSÜH HÜM CL Bible (BSI)

²⁵ Junangde küyimki arü mulong asühde alakheanü, arünü tha, “Samson jiang, junangde apinü isa ki kithsükilangbah.” Jumonü arünü rihyam chingnü Samson ji, tüsho apinü arü ki kithsükilang. Arünü api dungjing mahne dükeak zhipshih.

MAHKHAPRÜ 16:25 Iomraidhean Croise

2 SAMUEL 13:28

Judüki Absalomnü ayamlarübo ki thiyukhüm jih, “ Küyimki Amnon yukhu kheak mulong jihba tüsho küyimki inü nüsa ki Amnon kingang de athabanü, api laksahang. Dütre; inü nüsa ki thiyukhüm müjih de? Mulong toang tüsho athrungrü thsang.”

1 KIULONG THSÜRÜ 20:12

Ben-hadad tüsho kiulongthsürübo arü khimyambo ching yungde alachoki ha yusheak so, tüsho apinü api mihtsürübo ki thiyukhüm jih: “Ayanpü thsakhamang.” Jumonü arünü kiuto yanpü thsakham.

ESTER 1:10

Thünio athüne nipü kiulongthsüpuh ju yukhu yungde asühkhi hode ayamlarü dukhabo harü thüne jiyuk: Mehuman, Biztha, Harbona, Bigtha, Abagtha, Zethar, tüsho Karkas.

ESTER 3:15

Kiulongthsüpuh yukhüm hode thiyuzüng ju boto miki Susa kiuying ching thari, tüsho yunithsürünü ju yusheak lomibo ching hande yü. Susa kiuying lümshangmangnü mide alachoki kiulongthsüpuh le Haman ane a yukhu yungde bin.

MUNGSHIKHÜN 69:12

Chipiripit ki binrübonü I azhihde asukchoh, tüsho amüshangrübonü I dünkheak khün thsüchoh.

MUNGSHIKHÜN 69:26

Tümüde arünü nünü ashikbuh thsümüchichoh, tüsho nünü yuria thsünüshihbuh dünkheak thachoh.

ISAIA 22:13

tüshe ju müthri asühachih tüsho thünio lakheah, moshipung tüsho namfimihnu laksahde, shih tsühde tüsho yukhu yungde la. Nüsanü tha, “ Isanü tsühanü tüsho yunganü, tümüde shido isa ashebah.”

MATHI 27:29

Arünü ayangliunü rhophülapde kuthran khülang thsübah aku kheak thranjih, tüsho akhah tsülim tso khülang zhimshih. Arünü api miki khukning tüsho api ki luhmünede tha, “Tsüde laang, Jihudarü kiulongthsüpuh!”

IBRI 11:36

Püpübo kheah-a münejih tüsho rhap, tüsho rihyam ching rhüka yukde thsünü.

MAHKHAPRÜ 16:24

Küyimki mihtsürübonü api ngükhea, arünü arü thrünpuh shijih; tümüde arünü tha, “Isa thrünpuhnü isa riri, isa lomi thsümünimrü, tüsho isa hihde asheshihrü isa khah ching jihdo.”

MAHKHAPRÜ 16:26

Judüki Samsonnü api khah kheak thobah atsahkhi azübuh ki tha, “Inü arüngyam duhlokhi dungjingbo qiuanü, junangde I jurü kheak angülobah.”

MAHKHAPRÜ 18:20

Junangde amükeambuh mulong asühde kam, tüsho apinü kingaünbe kukruk, yambuk sangthsü, asümkhi sangthsü lubah mihtsürübo lung yü.

MAHKHAPRÜ 19:6

Jumonü anenü binbah rukhühnü tsühyung. Ju dunglim alibe abuhnü tha, “ Muzhobah khihre binang tüsho nü asühang.”

MAHKHAPRÜ 19:9

Küyimki athrüpü lung anihbuh hanniube tüsho ayamlabuh atsopü wusukheanü, akü, alibe abuhnü tha, “ Kheakü kheahang, azhingpü thsüchoh. Ha ching yapang; zhingabahpü thsüchoh. Binloang tüsho asühang. Shido mükikde asürübah nüsa yam lim yüang.”

MAHKHAPRÜ 9:27

Tüsho arünü thulu ching yübah kurungasolubo chingnü kurungasobo rho tüsho yukhu thsübah thünio la, tüsho arü thrünpuh yam ching yüzahbah tsühyungde Abimelek athruaji.