MAHKHAPRÜ 16:20 - AMÜSÜH HÜM CL Bible (BSI)

²⁰ Tüsho alibenü tha, “Samson! Filistiarü arüchoh.” Jumonü apinü ayapkhi chingnü asürü, tüsho tha, “Püpüki nangde inü awukhiukbah tüsho zuzu thsüde aphapbah!” Tüshe Atungpuh api kheaknü chamachihdo de apinü mümükheah.

MAHKHAPRÜ 16:20 Iomraidhean Croise

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

ISAIA 42:24

Shenü ayankhirü kilim Jakob jihkhea tüsho jangkhijangrarü kilim Israel jihkhea? Ha Atungpuhnü yung de, shepü azhihde isanü neak yihbeakkhea, shepü limrobo ching arünü mütsahkhea, tüsho shepü yakzan arünü manikhea?

HOSEA 7:9

Khiungkerünü asühmüh muyuabahdo, tüshe apinü ju mümükheah; api kuyü lakride buyiuka lah, tüshe apinü ju mümükheah.

WÜHKHE 14:9

Atungpuh azhihdü lang duwusu; tüsho lomi ching larü mihtsürü dütre, tümüde arübo isa thsungkheaknü yikhap ah; arü tsungdojihbuh Thrünpuh arü kheaknü akhinabahdo, tüsho Atungpuh isa lung lah; arübo dütre.”

MATHI 17:16

Inü api nü jingyanrübo kilim bebah arü tüshe arünü api müthsüngukhuk.”

MATHI 17:20

Jisunü alo, “Tümütüsho nüsanü mükinmonü ah. Inü nüsa ki thiyuro thachoh, nüsa akin woninji dükhüh lasho, nüsanü ha müzüng ki thabah, ‘Ha kheaknü ju ching akhinang,’ tüsho ju akhinbah; tüsho nüsa thsungkheaknü tümü she amukukkhi mülade alabah.

2 KORINT 3:5

Isanü tümükhüh lang she isa küdahnü athsükhukkhi lah de alümkhi müla; isanü athsükhukpü ju Thrünpuh kilimnü lah.

YUZÜNGTHALO 32:30

Atungpuh arü Thrünpuhnü arü yinkhi yungsho, tüsho Atungpuhnü arü jihabahkhi yungsho, küde thsah khülangnü chithürü yande müshampü, tüsho mahnenü chithürü thürü alihde atsoshihpü?

JIHUSUA 7:12

Hamonü Israelrübo arü riri azhihde müzhipkhukkheah. Arübo thiriri müngüh tso, tümüde arünü nihbuh zangrü athsümünimbe ching thsungyuk! Nünü dulu de thiyukhüm jihkhi kukrukbo ju thsümünima mübahyikia I nüsa lung müla!

MAHKHAPRÜ 16:14

Jumonü alibenü hingpungdung kheak hing ching düngdüngde phoyuk, tüsho api ki tha, “Samson! Filistiarü arüchoh.” Tüshe apinü ayapkhi chingnü asürü, tüsho hingpungdung chingnü akuyü thokhita lu.

MAHKHAPRÜ 16:19

Judüki alibenü api ju apho kheak mühüma yapshih, tüsho mihtsürü khülang jia akuyü athsün thüne hüta bahshih. Jushu alibenü api thsümüchipü tankih, tümüde api sühmüh mülade kam.

MAHKHAPRÜ 16:21

Judüki Filistiarünü api rambah amükjibo khünkhit tüsho Gaza ching bede yü. Arünü api müwayinchi liunü rhük, tüsho rihyam ching hi churü kamabah.

MAHKHAPRÜ 16:3

Tüsho Samsonnü tsüngphulung khiungde lüpa lang yap; jushu apinü tsüngphulung ching kiuto ripitbo le dungjing mahne thokhita lubah asürü tüsho akhrihbebo alala angam kheak lahkih-a hanbah Hebron lim abinbah awung mujuk lim yü.

MAHKHAPRÜ 16:9

Kheakü mihtsürübo anihbe lung khiungshak ching aleangde yapa lakheah. Tüsho alibenü api ki tha, “Samson! Filistiarü arüchoh.” Tüshe apinü sanglüh zhibo ju monü hingliu takshakkhi nangde rukshakabah. Jumonü api sühmüh rama lakhi ju mümükheahde alakheah.

1 SAMUEL 16:14

Kheakü Atungpuh me Saul kheaknü chamachih, tüsho A TUN GPU H kilimnü amünean me arübah api thsurang.

1 SAMUEL 18:10

Ashidopü amünean me Thrünpuh kilimnü Saul kheak arü tüsho api yam ching abünrü nangde thazüthado, judüki David a nimung aban khungkhi nangde bingkhung ju khung. Saul a akhah ching thsüh zhima lakheah;

1 SAMUEL 18:12

Saulnü David tre tümüde api lung Atungpuh lakheah tüshe Saul kheaknü a chamkhiabah.