MAHKHAPRÜ 16:18 - AMÜSÜH HÜM CL Bible (BSI)

¹⁸ Küyimki Delilanü api mulongyu alala alibe ki thakhi mükheahkhea, alibenü Filistia kiulongthsürübo ji, “ Khülang ki alode atuang, tümüde api mulongyu alala I ki thado.” Jumonü Filistia kiulongthsürübonü alibe kilim atu tüsho arü khah ching sho shuhbah arü.

MAHKHAPRÜ 16:18 Iomraidhean Croise

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

MUNGSHIKHÜN 62:9

Abobe mihtsürü ju sheak khülang ah, achangbe mihtsürü ju keangtha ah; arübo wuhzhin kheak adünsho, arü rukhüh sheak kheaknü ahiphipbe labah.

MÜCHITMUDU 18:8

Jipjiprara yubo ju tsühyungpü akebe nangde lah; jurü mihtsürü pang ching yüzahchoh.

WÜHKHE 22:7

Jumonü Moab tüsho Midia azothsürübonü arü khah ching mebelopü shuhbah Balaam kilim arü tüsho Balaknü athakhi yubo api ki tha,

MATHI 26:15

tüsho tha, “Inü api nüsa kilim jihsho nüsanü I kilim tümü jihpü mulongla?” Tüsho arünü api kilim shotoyinchi 30 khekhita jih.

EFISIA 5:5

Müzammüram, amümüsüh mihtsürü, yihnelunerü (sangthsü kingaünrü) sheshe Khrista tüsho Thrünpuh kiulongthsü ching yamrüplurüp müla de mütsanang.

1 TIMOTHI 6:10

Tümüde sho muzhokhi ju amütsü alala yo aying ah; ha künkhi hode khürü akin chingnü bephülapde tsodo tüsho hihde dukmüsüpkhinü arü mulongbo chinkhitdo.

MAHKHAPRÜ 16:17

jumonü apinü alibe ki amulongyu alala tha, “ Küyimkishe I ku kheak kuyüliuh müyihkih, tümüde I be buk chingnü I Thrünpuh kilim Nazirit khülang lakheah. I kuyü hütsho, I yiuhyiuh akambah, tüsho püpürü mihtsürü nangde akambah.”

MAHKHAPRÜ 16:19

Judüki alibenü api ju apho kheak mühüma yapshih, tüsho mihtsürü khülang jia akuyü athsün thüne hüta bahshih. Jushu alibenü api thsümüchipü tankih, tümüde api sühmüh mülade kam.

MAHKHAPRÜ 16:5

Filistiarü kiulongthsürü phüngü yü tüsho alibe ki tha, “ Api ki rük thsüang, tüsho api sühmüh ato küching la tüsho isanü küde thsah api kukbanü yimkhitang, junangde isanü api thsümüchipü thsüde arhükbah; tüsho isa mihbüm abannü nü kilim shotoyinchi 1100 jihbah.”