MAHKHAPRÜ 15:11 - AMÜSÜH HÜM CL Bible (BSI)

¹¹ Judüki Juda mihtsürübo 3000 Etam lungkhün ching yüki, tüsho Samson ki tha, “Isa kurungkheak Filistiarünü yakzan shuhlah de nünü mümükheah de? Nünü isa kheak rhimokhi ha tümü a?” Tüsho apinü arü ki tha, “ Arünü I ki rhimokhi nangde, inü arü ki rhimokheah.”

MAHKHAPRÜ 15:11 Iomraidhean Croise

1 KIUTHSÜYUKHEAN 4:3

Harü ha Etam tsührübo: Jezreel, Ishma, tüsho Idbash; tüsho tsührübe Hazzelelponi,

LEVI 26:25

Nüsanü I kheak tangzüngkhi thsümünimkhi royimlopü inü nüsa kheak nukshang handarübah, tüsho nüsanü nüsa kiutobo ching yüsho, inü nüsa bolung arüm arüshihbah, tüsho nüsa riribo khah ching yüzahshihbah.

YUZÜNGTHALO 28:13

Tüsho Atungpuhnü nüsa amo yungde aku kamshihbah; inü khihni nüsa kilim jihkhi Atungpuh yukhüm anide jurübo düshihde rhimosho, nüsa akumung lang alabah tüshe abukkhüp lim müla.

YUZÜNGTHALO 28:43

“Khiungkerü nü lung lakhi nü kheaknü achangbe achangbe yükihbah, tüshe nü a abolim abolim akibah.

MAHKHAPRÜ 13:1

Kheaküshe Israel mihtsürünü Atungpuh miki amütsü rhimo, tüsho Atungpuhnü arü kam yirü Filistiarü khah ching jih.

MAHKHAPRÜ 14:4

Tüshe abuh le abe bünenü ha Filistiarü azhihde Atungpuhnü kim akhuchoh de mümükheah. Tümüde ju kim ching Filistiarünü Israel kurungkheak yakzan shuhde alakheah.

MAHKHAPRÜ 15:10

Juda mihtsürübonü keokhi, “Nüsa tümüde isa bede keochihpü atukhea?” Jumonü arünü alo, “Isa Samson rampü, apinü isa ki rhimokhi nangde anihbuh ki rhimopü atukheah.”

MAHKHAPRÜ 15:12

Tüsho arünü api ki tha, “Isanü nü rambah Filistiarü khah ching jihpü akikheah.” Judüki Samsonnü arü ki tha, “Nüsanü I mülaksah de thiyuchihchimang.”