MAHKHAPRÜ 14:6 - AMÜSÜH HÜM CL Bible (BSI)

⁶ Atungpuh me api kheak tode arü, tüsho akhah ching tümü mülalashe mihnu nunu chakrüpkhi nangde apinü kekhüzü chakrüp. Tüshe apinü arhimokhi abuh le abe ki mütha.

MAHKHAPRÜ 14:6 Iomraidhean Croise

MUNGSHIKHÜN 91:13

Nünü kekhüzü tüsho jingto kheak nitbah, kekhüzü nunu tüsho phuruto nü müphü khüp jungbah.

ISAIA 42:2

Apinü müzhi yungsho api düsheak müchang yungsho kiudunglimro ching musoshih;

ZEKARIA 4:6

Apinü I ki tha, “Ha Zerubbabel ki Atungpuh yu lah: ‘ Sühmühnü yung yungsho wunü yung, tüshe me hode lah,’ Wuto Atungpuhnü thachoh.

MATHI 11:29

I sangkap lubah nüsa kheak yihkihang tüsho I kheaknü anikhitang, tümüde I tsüyihrü tüsho mulong athünak, tüsho nüsa me sühakhim ngübah.

IBRI 11:33

sherünü akin hode kiulongthsübo kuk, thiyuro rhimo, tüsho alokhia lakhi leangkhi, kekhüzübo mün tukloshih,

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

MAHKHAPRÜ 11:29

Judüki Atungpuh me Jephtha kheak arü, tüsho apinü Gilead tüsho Manase tsahho, tüsho Gilead ching Mizpa tsahho; tüsho Gilead ching Mizpa chingnü Amon mihtsürübo kilim yü.

MAHKHAPRÜ 13:25

Tüsho Zora le Eshtaol dükeak Mahane Dan ching A TUN GPU H menü api kheak thurumusupü tankih.

MAHKHAPRÜ 14:19

Judüki Atungpuh me api kheak tode arü, tüsho apinü Ashkelon lim yüki tüsho mihtsürü 30 laksahbah arü khimmih lu tüsho amüthribe khimmih ju akeokhikhi thakhukrü kilim jih. Junangde api khide bukakhiuk, tüsho abuh yam lim alode yü.

MAHKHAPRÜ 14:5

Jumonü Samsonnü abuh le abe büne lung Timna ching yüki tüsho Timna kurungasolu ching arü. Kheakü zukleangnü kekhüzü nunu khülang api kilim arungde arü.

MAHKHAPRÜ 14:7

Judüki apinü yüki tüsho alibe ki asukachih; tüsho alibenü Samson khide mürüh.

MAHKHAPRÜ 15:15

Apinü donki mükhühnuk aso khülang ngükhi akhah chunga yüshihbah ju lu, tüsho junü mihtsürü 1000 laksah.

MAHKHAPRÜ 15:8

Jumonü apinü arübo lungchihde yan tüsho hihde laksah; jushu apinü yükibah Etam lungkhün ching la.

MAHKHAPRÜ 16:30

Judüki Samsonnü tha, “I Filistiarü lungnü sheanü!” Apinü asühmüh alalanü nim tüsho arüngyam ju kiulongthsürübo le mihtsürü ju ching larü alala kheak keam. Junangde api shechoki laksahkhi ju anihbuh rhangdung lachoki laksahkhi kheaknü ahihbe lakheah.

MAHKHAPRÜ 3:10

Atungpuh me api kheak arü, tüsho apinü Israel mahkhap; api thirithsü ching yü, tüsho Atungpuhnü Mesopotamia kiulongthsüpuh Kushan-rishathaim api khah ching jihde akuk ngüshih.

1 SAMUEL 10:16

Saulnü akü ki tha, “Donkibo ngüdo de apinü ike ki thakheah.” Tüshe Samuelnü kiulongthsürü thsüpü dünkheak thakhi apinü tümü mütha.

1 SAMUEL 10:6

Jushu Atungpuh me nü kheak labah, tüsho nü she arü lung müchitmudude akambah tüsho mihtsürü püpü kambah.

1 SAMUEL 11:6

Küyimki Saulnü harü yubo sokhea, Thrünpuh me api kheak arü, tüsho api bukakhiukkhi alü kam.

1 SAMUEL 14:1

Nimung khülang Saul tsührü Jonathannü api thsühnuk hanrü athrününgtsüngbuh ki tha, “ Arang, ike püpü thrip Filistia thirithsürü boto kilim yüanü.” Tüshe apinü abuh ki mütha.

1 SAMUEL 17:46

Khihni ha nimung ching Atungpuhnü nü I khah ching yukjihbah, tüsho inü nü kinga yapshihbah tüsho nü ku lipshakbah; tüsho inü Filistia bonungrü ashemibo ha nimung ching thüning ching lakhi wuhnubo tüsho alo kheak lakhi mütüm shiwühbo kilim jihbah, junangde Israel ching Thrünpuh khülang lah de alomi alalanü amükheahbah,