MAHKHAPRÜ 14:4 - AMÜSÜH HÜM CL Bible (BSI)

⁴ Tüshe abuh le abe bünenü ha Filistiarü azhihde Atungpuhnü kim akhuchoh de mümükheah. Tümüde ju kim ching Filistiarünü Israel kurungkheak yakzan shuhde alakheah.

MAHKHAPRÜ 14:4 Iomraidhean Croise

1 KIULONG THSÜRÜ 12:15

Junangde kiulongthsüpuhnü mihtsürübo ki mani, tümütüsho apinü Nebat tsührü Jeroboam ki Shilonrü Ahija hode athakhi dünjipü Atungpuh lümkhi lakheah.

1 KIULONG THSÜRÜ 12:24

“Atungpuhnü ha thachoh, Israel mihtsürü nüsa keoniorü bede keochihpü nüsa duwutu. Mihbüm aban thüyam lim yüshang, tümüde ha I lümkhi ah.” Jumonü arünü Atungpuh yu ani tüsho Atungpuh yu ayannü thüyam lim alode yü.

2 KIULONG THSÜRÜ 6:33

Apinü arü ki thade alachoki kiulongthsüpuhnü api ki akibah tha, “Ha küpkhuk Atungpuh kilimnü ah! Kheaküa tümü thsüpü inü Atungpuh kheak mulonglampü?”

2 KIUTHSÜYUKHEAN 10:15

Junangde kiulongthsüpuhnü mihtsürübo ki mani tümütüsho apinü Nebat tsührü Jeroboam ki Shilonrü Ahija hode athakhi dünjipü Atungpuh Thrünpuh lümkhi lakheah.

2 KIUTHSÜYUKHEAN 22:7

Tüshe Joram rhua kheahpü yüchoki Ahazia keampü ju Thrünpuh lümkhi lakheah. Küyimki Ahazia ju ching arükhea, apinü Nimshi tsührü Ahab yamkhün thsümünimpü Atungpuhnü mujude-mokhitkhi Jehu shorupü Jehoram lung wukhiuk.

2 KIUTHSÜYUKHEAN 25:20

Tüshe Amazianü mani, tümüde ha arübo jihabahpü Thrünpuh rhimo lakheah, tümütüsho arünü Edom thrünpuhbo yim.

MUNGSHIKHÜN 115:3

Tüshe isa Thrünpuh a yinmi ching lah; apinü tümüpürü künlanü rhimochoh.

DANIEL 6:4

Jumonü kiuthsürü tüsho kovünorbonü kiulongthsü dünkheak Daniel azhihde atsangpü jing-thrümpung yimkhitpü mürang. Tüshe arünü atsangpü thsungkheak jingthrümpung yungsho athsümünim tümü müyimkhit, tümütüsho api thülünde alakheah, tüsho sheakmadukkhi yungsho athsümünim tümü api kheak müyimkhitkhukde alakheah.

YUZÜNGTHALO 28:48

jumonü nüsanü khümde, kethüride, bünkeang, tüsho kimkethürü mükheakde Atungpuhnü nüsa azhihde arüshihkhi nüsa riri tankihbah; tüsho nüsa müsheshihyi khiungde apinü nüsa hung ching yinchi-khrih yihkihjihbah;

JIHUSUA 11:20

Israelrü bede keochihshihpü Atungpuhnü arü ki lümkihshih, junangde arübo shahde thsümünimde tüsho mihmuzho mülade laksahkhamshihpü thsü. Ha Atungpuhnü Mosa ki thiyukhüm jihkhi ah.

MAHKHAPRÜ 13:1

Kheaküshe Israel mihtsürünü Atungpuh miki amütsü rhimo, tüsho Atungpuhnü arü kam yirü Filistiarü khah ching jih.

MAHKHAPRÜ 14:5

Jumonü Samsonnü abuh le abe büne lung Timna ching yüki tüsho Timna kurungasolu ching arü. Kheakü zukleangnü kekhüzü nunu khülang api kilim arungde arü.

MAHKHAPRÜ 15:11

Judüki Juda mihtsürübo 3000 Etam lungkhün ching yüki, tüsho Samson ki tha, “Isa kurungkheak Filistiarünü yakzan shuhlah de nünü mümükheah de? Nünü isa kheak rhimokhi ha tümü a?” Tüsho apinü arü ki tha, “ Arünü I ki rhimokhi nangde, inü arü ki rhimokheah.”

MAHKHAPRÜ 15:3

Tüsho Samsonnü arü ki tha, “ Hakhip a inü Filistiarü thsümünimkhi I mungchih müla!”