MAHKHAPRÜ 14:17 - AMÜSÜH HÜM CL Bible (BSI)

¹⁷ Kheakü alibenü arü thünio kheambah nimung thüne bankhitde api ki trip. Tüsho thüne nipü apinü alibe ki tha, tümütüsho alibenü api ki khide thsurang. Jushu alibenü anihbe mihtsürübo ki akeokhikhi thaa huh.

MAHKHAPRÜ 14:17 Iomraidhean Croise

THRÜNTAN 3:6

Junangde alibenü sangaso ju atsühpü atsü, mük ki reangkeambe khülang tüsho lümlung ngüpü sangdung ngü, alibenü ju sangaso lu tüsho tsüh. Alibenü ayamkhünbuh kilim she jih tüsho apinü tsüh.

JOB HU H T ANYU 2:9

Judüki aniubenü api ki tha, “ Kheaküshe nü thiyuro ching laba de? Thrünpuh athruang, tüsho sheang.”

MÜCHITMUDU 7:21

Alibenü amünit yubonü api bephülap; anihbe yu thünakkhinü api rükyuk.

JEREMIA 9:3

Arünü akeangyu thsungkheak arü mulobo sanglüh nangde hünchoh; arübo lomi ching thiyuro thsungkheak amürangrü yung; tümüde arünü amütsü chingnü amütsü ching yüdo, tüsho arünü I mümükheah, Atungpuhnü thachoh.

MIKA 7:5

Müyamrü kheak akin düla, amuzhokhi kheak mulongram düla; niube-niubuh ki she nü mün kümkangang;

LUKNÜ ATHRÜTKHI THIYUSHEAK-ATSÜ HUHTANYU 11:8

Api müyamrü thsüthsü she api kilim jihpü masürü, tütüshe apinü mutukzhakde akeokhinü asürübah tüsho anihbuh yihnüpü lakhi thülün jihbah.

MAHKHAPRÜ 14:16

Judüki aniubenü api ki tripde tha, “Nünü I thraneanchoh! Nünü I mümuzho! Nünü I mihtsürübo ki akeokhikhi jihdo tüshe I ki thaa muhuh.” Tüsho apinü alibe ki tha, “ Kheahang, inü ha I buh le I be ki she thaa muhuh; jumonü inü nü ki thaa huhpü?”

MAHKHAPRÜ 14:18

Jumonü kiuto mihtsürübonü thüne nipü ani yüzahpü müngüh api ki tha: “ Mukhuke kheaknü aniungbe tümü a? Kekhüzü kheaknü amürangbe tümü a?” Tüsho apinü arü ki tha, “Nüsanü I moshi drelü lung muwochakkhülaa, inü akeokhikhi nüsanü müyimkhit.”

MAHKHAPRÜ 16:13

Judüki Delilanü Samson ki tha, “ Kheakü khiungde nünü I ki keangrüchoh tüsho akeangyu thachoh. Nü tümünü arhükbeanü I ki thaa huhang.” Tüsho apinü alibe ki tha, “Nünü I kuyü athsün thüne hingpungdung kheak hing ching phorubah rhükkih-a zosho püpürü mihtsürü nangde yiuhyiuhde akambah.”

MAHKHAPRÜ 16:16

Alibenü nimung aban api thsurangkhinü ashepü thsüde api tukthsüde kam,

MAHKHAPRÜ 16:6

Jumonü Delilanü Samson ki tha, “Nü sühmüh ato küching la, tüsho tümünü rhükbah nü thsümüchibeanü muzhobah I ki thaang.”