MAHKHAPRÜ 13:6 - AMÜSÜH HÜM CL Bible (BSI)

⁶ Jumonü alibenü arübah aniubuh ki tha, “ Thrünpuh mihtsürü khülang I ki arü tüsho api akheahpü ju Thrünpuh yunirü nangde khide amüyinsahbe lakheah; tüshe api küchingnü arükheanü inü api ki mükeokhi, tüsho apinü I ki amung mütha.

MAHKHAPRÜ 13:6 Iomraidhean Croise

THRÜNTAN 18:2

Abrahamnü abinkih-a kheah tüsho mihtsürü 3 aphüni zhipde ngü, küyimki apinü arü ngükheanü arü shorupü apinü khimyam ripit kinü niokheamde yü tüsho alo kheak khukning,

THRÜNTAN 32:29

Judüki Jakobnü api ki keokhi, “Muzhobah I ki nü mung thaang.” Tüsho apinü tha, “Nünü tümüde I mung keokhicho?” Tüsho apinü ju ching api müngühjih.

1 KIULONG THSÜRÜ 17:18

Jumonü alibenü Elija ki tha, “O Thrünpuh mihtsürü, I azhihde nünü tümü thsükhea? Nünü I neak lümkhitloshihpü tüsho I tsührü sheshihpü nü I kilim arükhea de!”

1 KIULONG THSÜRÜ 17:24

Jumonü alibenü Elija ki tha, “ Kheakü nü Thrünpuh mihtsürü ah de inü mükheahlah, tüsho nü mün ching lakhi Atungpuh yu thiyuro ah.”

2 KIULONG THSÜRÜ 4:16

Apinü tha, “Ha akheahmünchi arübe kam ching, nünü tsührü athrürü khülang kapbah.” Alibenü alo, “Yung, I tungpuh, O Thrünpuh mihtsürü; nü yamlarü rük daki.”

2 KIULONG THSÜRÜ 4:9

Alibenü aniubuh ki tha, “ Kheahang, ha mihtsürü mutuklode isa limro hode alabuh ha dükde Thrünpuh mihtsürü amüsüh ah.

ABEKHIT 3:2

Tüsho sangrung phulung motru khülang ching Atungpuh yunirü api ki akhiuk. Sangrung kheak mo trude lalashe sangrung ju mütak.

ABEKHIT 3:6

Kheaküshe apinü tha, “I nü pü Abraham, Isak tüsho Jakob Thrünpuh ah.” Judüki Thrünpuh kheak kheahpü trekhinü Mosanü amiro khuramabah.

DANIEL 10:11

Apinü I ki tha, “Daniel, tode muzhodakkhi, inü nü ki asukpü lakhi ju aniang. Zhipang, tümüde I nü kilim arüshihkheah.” Jumonü apinü ha yu I ki asukde lachoki inü ajande zhip.

DANIEL 10:5

inü mürünga kheah, tüsho kheahang, mihtsürü khülang khimthünak phuyubah, achim ju suna atsüdaknü rüma lakheah.

DANIEL 8:17

Jumonü I zhippung phünide api arü; tüsho küyimki api arükhea, I trede kam tüsho alo ching yap. Tüshe apinü I ki tha, “ O mihtsürü tsührü, michih ha akheam kim thsungkheak ah de anikhitang.”

LUKNÜ ATHRÜTKHI THIYUSHEAK-ATSÜ HUHTANYU 1:19

Tüsho yunirünü api ki alojihde tha, “l Gabriel, Thrünpuh miki zhipbuh, tüsho ha thiyusheak atsü hanbah thiyia arüshihkhi ah.

LUKNÜ ATHRÜTKHI THIYUSHEAK-ATSÜ HUHTANYU 9:29

Tüsho api tamkhüntamnüde alachoki, miro müthriabah, tüsho api khimmihbo müyedo tüsho zhingzhing kam.

YUNIRÜBO RHIMO 6:15

Kiuthsü-binkiu ching binrü alalanü Stephen kheak kheahkihde kheah, tüsho amiro ju yunirü miro nangde ngü.

YUZÜNGTHALO 33:1

Ha müngühmühi ha Thrünpuh mihtsürü Mosanü api shepü müngüh Israel tsührübo müngühjihkhi ah.

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

JIHUSUA 14:6

Judüki mihtsürü khürü Juda trük chingnü Gilgal ching Jihusua kilim arü; tüsho Kenizrü Jephunne tsührü Kalebnü api ki tha, “ Kadesh-barnea ching Atungpuhnü I tüsho nü dünkheak Thrünpuh mihtsürü, Mosa ki tümü thakheanü nünü mükheahlah.

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,

MAHKHAPRÜ 13:10

Judüki alibenü niokheamde alihde yübah aniubuh ki tha, “ Kheahang, püpü nimung arükhi mihtsürü kheakü I ki akhiukdo!”

MAHKHAPRÜ 13:22

Manoanü aniube ki tha, “Isa tsükjide ashebah, tümütüsho isanü Thrünpuh ngüdo!”

MAHKHAPRÜ 13:3

Tüsho Atungpuh yunirü alibe ki akhiuk tüsho tha, “ Kheakü nü aniungyüh ah tüsho tsührü müla, tüshe nü büm makeangde akambah tüsho tsührü khülang labah.

MAHKHAPRÜ 13:7

Tüshe apinü I ki tha, ‘ Kheahang, nü büm makeangde akambah tüsho tsührü khülang labah. Kheakü yukhu yungsho amüshangbe tümü she düyung, yungsho amümüsüh tümü dütsüh, tümüde khungarü ju buk chingnü api she nimung khiungde Thrünpuh kilim Nazirit khülang labah.’ ”

MAHKHAPRÜ 13:8

Judüki Manoanü Atungpuh ki tamkhüntamnü tüsho tha, “O I tungpuh, muzhobah nünü athiyikhi Thrünpuh mihtsürü isa kilim alode arüshang tüsho azübepü lakhi khungarü thsungkheak isanü tümü rhimobeanü isa ki thsangyushang.”

MAHKHAPRÜ 6:11

Kheakü Atungpuh yunirü Ophra ching arü tüsho Abiezerrü Joash yo thülamdung khüp bin. Api tsührü Gideon yukhu-nitpung ching wheat hi nitde alakheah, junangde Midiarü kheaknü jik.

1 SAMUEL 2:27

Thrünpuh mihtsürü khülang Eli kilim arü tüsho api ki tha, “ Hanangde Atungpuhnü thachoh, ‘ Küyimki nü pü Ijip ching Pharao yamkhün bukkhüp azhorü lakheanü inü I amikheak akhiuka huhdo.

1 SAMUEL 9:6

Tüshe azübuhnü Saul ki tha, “ Ha kiuto ching Thrünpuh mihtsürü khülang lah; api kheak wüntre kihde lachoh. Apinü tümüpürü thabanü kamruhroro dünjichoh. Kheakü ike ju ching yüanü; khükijua ike yüpü limro apinü ahuhbah.”