MAHKHAPRÜ 13:3 - AMÜSÜH HÜM CL Bible (BSI)

³ Tüsho Atungpuh yunirü alibe ki akhiuk tüsho tha, “ Kheakü nü aniungyüh ah tüsho tsührü müla, tüshe nü büm makeangde akambah tüsho tsührü khülang labah.

MAHKHAPRÜ 13:3 Iomraidhean Croise

THRÜNTAN 17:16

Inü alibe müngühjihbah tüsho anihbe hode nü kilim tsührü she khülang jihbah; inü alibe müngühjihbah tüsho anihbe ju trükshih ahihdo abe thsübah; mihtsürü kiulongthsürübo anihbe kheaknü arübah.”

THRÜNTAN 18:10

Tüsho apinü tha, “Tsükjide inü shikam hadüchoki kim ching nü kilim alode arübah, tüsho nü niube Sara tsührü khülang labah.” Tüsho Saranü api dunglim lakhi khimyam ripit kinü anide alakheah.

THRÜNTAN 18:14

Atungpuh thsungkheaknü tümükhüh khide chakla de? Münchikhi kim ching shikam I nü kilim alode arübah, tüsho Sara tsührü khülang labah.”

2 KIULONG THSÜRÜ 4:16

Apinü tha, “Ha akheahmünchi arübe kam ching, nünü tsührü athrürü khülang kapbah.” Alibenü alo, “Yung, I tungpuh, O Thrünpuh mihtsürü; nü yamlarü rük daki.”

LUKNÜ ATHRÜTKHI THIYUSHEAK-ATSÜ HUHTANYU 1:11

Judüki jinjinlak kingaün sadam tsülim Atungpuh yunirü khülang zhipde api ki akhiuk.

LUKNÜ ATHRÜTKHI THIYUSHEAK-ATSÜ HUHTANYU 1:13

Tüshe yunirünü api ki tha, “Zakaria dütre, tümüde nü tamkhüntamnü sojihdo; nü niube Elizabethnü nü kilim tsührü khülang zübejihbah tüsho nünü api mung Johan de ajibah.

MAHKHAPRÜ 13:10

Judüki alibenü niokheamde alihde yübah aniubuh ki tha, “ Kheahang, püpü nimung arükhi mihtsürü kheakü I ki akhiukdo!”

MAHKHAPRÜ 13:15

Judüki Manoanü Atungpuh yunirü ki tha, “ Muzhobah aleangang, tüsho isanü nü thsungkheak mihnu nunu khülang mozümodoanü.”

MAHKHAPRÜ 13:6

Jumonü alibenü arübah aniubuh ki tha, “ Thrünpuh mihtsürü khülang I ki arü tüsho api akheahpü ju Thrünpuh yunirü nangde khide amüyinsahbe lakheah; tüshe api küchingnü arükheanü inü api ki mükeokhi, tüsho apinü I ki amung mütha.

MAHKHAPRÜ 13:8

Judüki Manoanü Atungpuh ki tamkhüntamnü tüsho tha, “O I tungpuh, muzhobah nünü athiyikhi Thrünpuh mihtsürü isa kilim alode arüshang tüsho azübepü lakhi khungarü thsungkheak isanü tümü rhimobeanü isa ki thsangyushang.”

MAHKHAPRÜ 2:1

Judüki Atungpuh yunirü Gilgal chingnü Bokim ching atu tüsho tha, “Inü nüsa Ijip chingnü bekhit tüsho inü nüsa jipürü ki alokhikhi lomi ching bedarü; tüsho inü tha, ‘Inü küyimkishe nüsa ki tangzüngkhi müthsümünim.

MAHKHAPRÜ 6:14

Judüki Atungpuhnü api kilim rholo tüsho tha, “ Ha nü sühmüh chingnü yüang, tüsho nünü Israel ju Midiarü khah chingnü khümkhitbah. Inü nü thiyikhi yung de?”

1 SAMUEL 1:20

Kim dükdü ching Hanna mübünkeangde kam tüsho athrürü khülang zübejih. Anihbenü api mung Samuel de ji, tümüde alibenü tha, “Inü api thsungkheak Atungpuh ki kheangkheah.”