MAHKHAPRÜ 12:5 - AMÜSÜH HÜM CL Bible (BSI)

⁵ Ephraimrü mukhiungyide Gileadrünü Jordan dükihhopung yandoabah. Ephraimrü atsokhitrü khürünü tha, “I dükihhoanü,” Gilead mihtsürübonü api ki tha, “Nü Ephraimrü a de?” Apinü, “Yung,” de thasho,

MAHKHAPRÜ 12:5 Iomraidhean Croise

1 KIULONG THSÜRÜ 11:26

Ephraim ching Zeredarü Nebat tsührü, khimobe Zeruia tsührü Solomon yamlarü Jeroboamnü kiulongthsüpuh kheak azhih.

JIHUSUA 2:7

Kiulongthsüpuh bonungrübo tsahmusu, tüsho chipi ju rihabah. Arü Israelrü thirirhurü kheahde Jordan hode ayükhi limro khiungde yü.

JIHUSUA 22:11

Judüki Israelrü tsührübonü hade so, “ Kheahang! Reuben, Gad tüsho aniakhiuklim Manase trükbonü Israelrü lo lim Jordan phünide Geliloth ching kingaün sadam khülang thsüa lah.”

MAHKHAPRÜ 12:4

Kheakü Jephthanü Gilead mihtsürü alala bemukhung tüsho Ephraim bede keochih. Tüsho Gilead mihtsürübonü Ephraim kuk, tümütüsho arünü tha, “Nüsa Gileadrü ju Ephraim tüsho Manaserü bolung tsotsahrümtsahrü ah.”

MAHKHAPRÜ 12:6

arünü api ki tha, “Dale, Shibboleth de thaang.” Tüsho apinü athabah, “Sibboleth,” tümütüsho apinü dükde müthakhitkhuk. Judüki arünü api bede yübah Jordan dükihhopung laksah-a bahde alakheah. Ju kim khülang chingnü Ephraimrü 42,000 laksah.

MAHKHAPRÜ 17:7

Kheakü Juda ching lakhi Bethlehem chingnü Juda yamkhün yo athrününgtsüng mihtsürü khülang lakheah; api ju Levirü lakheah tüsho ju ching yünü alakheah.

MAHKHAPRÜ 3:28

Judüki apinü arü ki tha, “I dunglim yanang, tümüde Atungpuhnü nüsa riri Moabrü nüsa khah ching jihdo.” Jumonü arünü Moab lim yüpü Jordan dükihhopung zhipdo, tüsho sheshe muhoshih.

MAHKHAPRÜ 7:24

Judüki Gideonnü Ephraim awung lomi alala ching yunithsürü thiyia yüshih, “ Midiarü azhihde akiang tüsho Beth-bara le Jordan kebo khiungde kapdoang.” Jumonü Ephraim mihtsürü alala jikhit, tüsho Beth-bara le Jordan khiungde kebo kapdo.

1 SAMUEL 1:1

Kheakü Ephraim awung lomi ching Ramathaim-zophim mihtsürü khülang lakheah, api mung ju Elkana, api Jeroham tsührü Tohu tsührü tüsho Ephraimrü Zuph tsührü lakheah.