MAHKHAPRÜ 12:3 - AMÜSÜH HÜM CL Bible (BSI)

³ Jumonü küyimki nünü I mübekhit de inü angükhea, inü I rhangdung shuhmülanga jihde Amon mihtsürü azhihde hode ayükheah; tüsho Atungpuhnü arübo I khah ching jih. Dale tümüde nüsa khihni I bede keochihpü atukhea?”

MAHKHAPRÜ 12:3 Iomraidhean Croise

2 KIUTHSÜYUKHEAN 13:12

Kheahang, Thrünpuh isa lung isa ku ki lah, tüsho api yo amükeamrübonü nüsa bede keochihpü jide arü hulipungpungbo khungpü lah. O Israelrübo, nüsa jipürü Thrünpuh, Atungpuh bede dükeochih; tümüde nüsanü mukuk.”

JOB HU H T ANYU 13:14

Küde thsah inü I shihtsü I hü ching müsümpü, tüsho I rhangdung I khah ching yukpü?

MUNGSHIKHÜN 119:109

I rhangdung mutuklode I khah ching lah, tütüshe inü nü yakzan mümih.

ROMRÜ KILIM PAULNÜ ATHRÜTKHI KIHÜM HUHTANYU 16:4

anenü I rhangdung thsungkheak hahmülang luchoh–I tüsho khiungkerü borübo alalanü ane kilim makshe jihchoh;

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.

MAHKHAPRÜ 11:27

Jumonü inü nü azhihde neak müyihbeak, tüshe I bede keochihkhinü nünü I amülim kamshih. Atungpuh , mahkhapbuhnü Israelrü tüsho Amon mihtsürü dükeak khihni mahkhapshang.”

MAHKHAPRÜ 12:2

Tüsho Jephthanü arü ki tha, “I tüsho I mihtsürübo Amon mihtsürü kheak tode rukachihde alakheah; tüsho küyimki inü nü ki jikhea, nünü I arü khah chingnü mübekhit.

MAHKHAPRÜ 12:4

Kheakü Jephthanü Gilead mihtsürü alala bemukhung tüsho Ephraim bede keochih. Tüsho Gilead mihtsürübonü Ephraim kuk, tümütüsho arünü tha, “Nüsa Gileadrü ju Ephraim tüsho Manaserü bolung tsotsahrümtsahrü ah.”

MAHKHAPRÜ 9:17

tümüde I buhnü nüsa thsungkheak keochihdo, tüsho api rhangdung jih, tüsho Midiarü khah chingnü nüsa bekhit;

1 SAMUEL 19:5

tümüde apinü Filistiarü yanchoki arhangdung shuhmülanga jihdo, tüsho Atungpuhnü Israel alala thsungkheak akuk ngükhi ato handarüdo. Nünü ju ngü tüsho asühachihdo; dale tümü thsükhi amülim mülarü David laksahkhinü neak yihbeakba le?”

1 SAMUEL 28:21

Alibenü Saul ki arü, tüsho küyimki alibenü api trekhi ngükhea, alibenü api ki tha, “ Kheahang, nü yamlaberünü nü ki anido; I rhangdung I khah ching shuhbah nünü tümü thakheanü anido.