MAHKHAPRÜ 11:34 - AMÜSÜH HÜM CL Bible (BSI)

³⁴ Küyimki Jephtha Mizpa ching anihbuh yam lim alungkhea, atsührübe ju züpzüppü shuhbah tsünde api shorupü akhiuk; tüsho api tsührü alibe ju lang alakheah. Alibe kheak kihode tsührü athrürü yungsho aliberü mülakheah.

MAHKHAPRÜ 11:34 Iomraidhean Croise

2 SAMUEL 6:14

Davidnü achim kheak amükeamrü khimnü rümbah A TUN GPU H miki asühmüh alalanü tsün.

MUNGSHIKHÜN 150:4

Züpzüppü bede tüsho tsünde api shiang; aliu kihkhi kingzükingdobe tüsho khungpibo bede api shiang!

MUNGSHIKHÜN 68:25

Khün thsürübo mikhuh yüdo, khün-khungbe kingrü ju dunglim yande yü; arü dükeak ching züpzüppü kingrü anünürübo lakheah.

ABEKHIT 15:20

Judüki Aron achi amükeambe Mariamnü akhah ching züpzüppü lu; tüsho aliberü alalanü züpzüppü shuhbah tsünde anihbe dunglim wukhiuk.

JEREMIA 31:13

Judüki anünürübonü asühde atsünbah, tüsho athrününgtsüng le azobuhrünü asüharabah. Inü arü tüzhokhi asühpü kamshihbah, inü arü shukheambah tüsho mulong rozhak thsungkheak arü ki asühpü jihbah.

JEREMIA 31:4

Kheaküshe inü nü bemusubah, tüsho nü thsülobah, O atsangkhit Israel! Kheaküshe nünü züpzüppü lubah tüsho asühde tsünde ayübah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

LUKNÜ ATHRÜTKHI THIYUSHEAK-ATSÜ HUHTANYU 7:12

Api ju kiuto chipiripit thüninde alachoki, kheahang, khimoberü lapkhiung tsührü shea shuhkhita lakheah; tüsho kiuto chingnü boto ato alibe lung lakheah.

LUKNÜ ATHRÜTKHI THIYUSHEAK-ATSÜ HUHTANYU 8:42

tümüde atsührübe lapkhiung kam 12 bande alakhi ashepü thsüde alakheah. Tüshe api yüde alachoki botonü api zündoabah.

LUKNÜ ATHRÜTKHI THIYUSHEAK-ATSÜ HUHTANYU 9:38

Zukleangnü boto chingnü mihtsürü khülangnü zhide tha, “Thsangyurü, inü nü ki mushuchoh, I tsührü kheak kheahang, tümüde api I tsührü lapkhiung ah.

JIHUSUA 18:26

Mizpa, Kephira, Moza,

MAHKHAPRÜ 10:17

Judüki Amon mihtsürübo rukhüh mukhungde Gilead ching arü. Tüsho Israelrünü Mizpa ching mukhung.

MAHKHAPRÜ 11:11

Judüki Jephthanü Gilead limberübo lung yü, tüsho mihtsürübonü api arü kurungkheak aku tüsho limthorü thsüshih; tüsho Jephthanü api yu alala Mizpa ching Atungpuh miki asuk.

MAHKHAPRÜ 20:1

Judüki Israelrü alalanü Dan chingnü Beersheba tüsho Gilead lomi chingnü akhiukbah Atungpuh miki Mizpa ching mukhung.

MAHKHAPRÜ 21:21

tüsho kheahang; tüsho küyimki Shilo liberübo atsünpü akhiukbanü, kurungasolubo chingnü akhiukang tüsho athrürü abannü Shilo liberü bolungnü niuberü thsüpü ramang; jushu Benjamin lo ching yüang.