MAHKHAPRÜ 11:30 - AMÜSÜH HÜM CL Bible (BSI)

³⁰ Jephthanü Atungpuh ki thiyuchihchim thsü tüsho tha, “Nünü Amon mihtsürü I khah ching jihsho,

MAHKHAPRÜ 11:30 Iomraidhean Croise

THRÜNTAN 28:20

Judüki Jakobnü thiyuchihchim khülang thsü, “Thrünpuh I lung lasho, tüsho I yüchoki ha limro ching I aheangsho, tüsho I kilim atsühpü yikhap tüsho aphuyupü khimmih jihsho,

WÜHKHE 21:2

Tüsho Israelrünü thiyuchihchimde Atungpuh ki tha, “Nünü harü mihtsürü isa khah ching jihsho, isanü arü kiutobo shahde thsümünimjihbah.”

MAHKHAPRÜ 11:29

Judüki Atungpuh me Jephtha kheak arü, tüsho apinü Gilead tüsho Manase tsahho, tüsho Gilead ching Mizpa tsahho; tüsho Gilead ching Mizpa chingnü Amon mihtsürübo kilim yü.

MAHKHAPRÜ 11:31

Amon mihtsürü kilimnü I mungtsü chingnü ayülobah, I yam ripit chingnü tümü I shorupü akhiukbanü, tsükjide Atungpuh yo thsübah, tüsho inü ju taka kingaün jihbah.”

1 SAMUEL 1:11

Alibenü hade thiyuchihchim: “O Wuto Atungpuh, nünü lang nü yamlaberü küpkhukkhi kheahjihde, I lümkhitsho, tüsho nü yamlaberü mümihabahsho, tüshe nü yamlaberü kilim tsührü athrürü jihsho, inü api rhangdung amuyung Atungpuh kilim jihbah tüsho küyimkishe api kuyü mühüt.”