MAHKHAPRÜ 11:29 - AMÜSÜH HÜM CL Bible (BSI)

²⁹ Judüki Atungpuh me Jephtha kheak arü, tüsho apinü Gilead tüsho Manase tsahho, tüsho Gilead ching Mizpa tsahho; tüsho Gilead ching Mizpa chingnü Amon mihtsürübo kilim yü.

MAHKHAPRÜ 11:29 Iomraidhean Croise

THRÜNTAN 31:49

Mizpa düshe ji, tümütüsho apinü tha, “Ike limshuachihde alachoki Atungpuhnü ike dükeak kheahde lashang.

1 KIUTHSÜYUKHEAN 12:18

Judüki samrü yo akubeatobuh Amasai kheak me arü, tüsho apinü tha, “Isa nü yo, O David; tüsho nü lung lah, O Jesse tsührü! Mungtsü, nü kilim mungtsü, tüsho nü rungrü kilim mungtsü! Tümüde nü Thrünpuh ju nü rungbuh.” Judüki Davidnü arübo leangkhi, tüsho api bonungrü torübo kamshih.

WÜHKHE 11:25

Tüsho Atungpuhnü amo ching akibahle api ki asukachih, tüsho api kheak lakhi me khürü lubah azothsürü nerü kheak yukjih; tüsho küyimki me ju arü kheak keamkhea, arünü müchitmudupü tankih. Tüshe kim ashang thsungkheaknü yung.

MAHKHAPRÜ 10:17

Judüki Amon mihtsürübo rukhüh mukhungde Gilead ching arü. Tüsho Israelrünü Mizpa ching mukhung.

MAHKHAPRÜ 11:11

Judüki Jephthanü Gilead limberübo lung yü, tüsho mihtsürübonü api arü kurungkheak aku tüsho limthorü thsüshih; tüsho Jephthanü api yu alala Mizpa ching Atungpuh miki asuk.

MAHKHAPRÜ 11:28

Jude thsüthsü she, Amon kiulongthsüpuhnü Jephthanü ayüshihkhi yubo mani.

MAHKHAPRÜ 11:30

Jephthanü Atungpuh ki thiyuchihchim thsü tüsho tha, “Nünü Amon mihtsürü I khah ching jihsho,

MAHKHAPRÜ 13:25

Tüsho Zora le Eshtaol dükeak Mahane Dan ching A TUN GPU H menü api kheak thurumusupü tankih.

MAHKHAPRÜ 3:10

Atungpuh me api kheak arü, tüsho apinü Israel mahkhap; api thirithsü ching yü, tüsho Atungpuhnü Mesopotamia kiulongthsüpuh Kushan-rishathaim api khah ching jihde akuk ngüshih.

MAHKHAPRÜ 6:34

Tüshe Atungpuh me Gideon kheak arü; apinü hulipungpung müt, tüsho Abiezerrü api ki mukhungde arü.

1 SAMUEL 10:10

Küyimki arü ju chingnü Gibeath lim yüde alakhea, wukihrü boto khülangnü api shoru; tüsho Thrünpuh me api kheak la, tüsho api she arü bolung müchitmudude kam.

1 SAMUEL 11:6

Küyimki Saulnü harü yubo sokhea, Thrünpuh me api kheak arü, tüsho api bukakhiukkhi alü kam.

1 SAMUEL 12:11

Tüsho Atungpuhnü Jerubbaal, Bedan, Jephtha, tüsho Samuel thiyibah nüsa mühi thiriribo khah chingnü nüsa khümkhit; tüsho nüsa akhümkhitkhi ching la.