MAHKHAPRÜ 11:10 - AMÜSÜH HÜM CL Bible (BSI)

¹⁰ Tüsho Gilead limberübonü Jephtha ki tha, “Isanü nü yubo yande mürhimosho, isa dükeak Atungpuh thiyumütsan labah.”

MAHKHAPRÜ 11:10 Iomraidhean Croise

THRÜNTAN 16:5

Judüki Sarainü Abram ki tha, “I amülim nü kheak lashang! Inü I yamlabe nü kilim jih; tüsho küyimki anihbe mübünkeangkhi alibenü mükheahkhea, alibenü I mükhemükimde kam. Atungpuhnü ike dükeak mahkhapshang.”

THRÜNTAN 21:23

Jumonü kheakü, I le I tsührü yungsho I tsühsoniusobo kheak mülimde mürhimopü I ki thiyuchihchimang. Nü hanrü thsüde alakhi lo ching inü nü ki huhkhi nangde I tüsho alomi ki amuzho huhang.”

THRÜNTAN 31:50

Nünü I tsührübebo kheahmüchihsho yungsho I tsührübebo kheak atrüpde püpü niuberübo lusho, isa lung she mülalashe, ike dükeak Thrünpuh thiyumütsan lah de lümkhitang.”

THRÜNTAN 31:53

Abraham Thrünpuh, Nahor Thrünpuh, tüsho arü jipürü Thrünpuhnü ike dükeak mahkhapshang.” Tüsho Jakobnü abuh Isak trelimnü thiyuchihchim.

ABEKHIT 20:7

“Nünü Atungpuh nü Thrünpuh mung akeangkeang ching dütam, tümüde Atungpuhnü api mung akeangkeang ching tamrü thsümüchibah.

JEREMIA 29:23

tümütüsho arünü Israel ching atrebe neak yihbeakkhi lah tüsho arü yamhingrü niuberü kheak müzammüram yihbeak tüsho arü ki thiyukhüm müjihkhi akeangyubo I mung chingnü asukdo; inü mükheahlah tüsho I thiyumütsan ah, Atungpuhnü thachoh.

JEREMIA 42:5

Arünü alode Jeremia ki tha, “Atungpuh nü Thrünpuhnü isa thsungkheak nü hode thiyukhüm jihkhi yande lüpdükhi isanü mürhimosho Atungpuh thiyuro lashang tüsho isa azhihde athülünkhi thiyumütsan thsüshang.

MIKA 1:2

Soang, nüsa mihtsürü alala; aniang, O alomi, tüsho ju ching lakhi alala; tüsho Atungpuh Thrünpuh ju api amüsüh arüngyam chingnü nüsa azhihkhi thiyumütsan labah.

ZEKARIA 5:4

Inü yüshihdo, Wuto Atungpuhnü thachoh, tüsho ju ahührü yam ching tüsho I mung müshide akeangyu thiyuchihchimrü yam ching yüzahbah; tüsho ha ju yam ching labah tüsho sanglung le lungbo chido tsühabahbah.”

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

ROMRÜ KILIM PAULNÜ ATHRÜTKHI KIHÜM HUHTANYU 1:9

Api tsührü thiyusheak-atsü ching I menü atankihkhi Thrünpuh ju I thiyumütsan lah, junangde I tamkhüntamnü ching kamruhroro müdüchingde inü nüsa lümkhitchoh,

2 KORINT 11:31

Lünnü ashijihpü lakhi Atungpuh Jisu Abuh tüsho Thrünpuhnü inü akeangyu müthachoh de mükheahlah.

YUZÜNGTHALO 1:16

“Tüsho judüki inü nüsa mahkhaprübo ki tha, Nüsa keoniorü dükeak mahmungbo aniakheahang, tüsho keoniorü dükeak yungsho api lung lakhi khiungkerü dükeak thsüthsü alungkinü khapjang.

MAHKHAPRÜ 11:9

Jumonü Jephthanü Gilead limberübo ki tha, “Nüsanü I Amon mihtsürü bede keochihpü thüyam lim belode yübah, Atungpuhnü arübo I kilim jihsho, I nüsa aku thsüba shi?”

1 SAMUEL 12:5

Apinü arü ki tha, “Nüsa azhihde Atungpuh thiyumütsan lah, tüsho mujude-mokhitbuh ha nimung thiyumütsan lah, junangde nüsanü I khah ching tümü she müngü.” Tüsho arünü tha, “ Am, Atungpuh thiyumütsan ah.”

1 SAMUEL 24:12

Atungpuhnü I le nü dükeak mahkhapshang! Atungpuhnü nü kheak I royimshang; tüshe I khahnü a nü kheak mazhih.