MAHKHAPRÜ 1:7 - AMÜSÜH HÜM CL Bible (BSI)

⁷ Tüsho Adonibezeknü tha, “ Kiulongthsürü 70 arü khahkutopü le jingkutopübo khapshakbah I dükhüm bukkhüp adütrebo moa lude lado; kheakü inü tümü rhimokheanü Thrünpuhnü I kilim jihlochoh.” Arünü api Jirusalem ching bebah arü, tüsho api ju ching sheabah.

MAHKHAPRÜ 1:7 Iomraidhean Croise

1 KIULONG THSÜRÜ 21:19

Nünü api ki thaang, “Atungpuhnü ha thachoh: Nünü mihtsürü laksahdü de, tüsho yamalo she ludü de?” Nünü api ki thaang, “Atungpuhnü ha thachoh: khihnubonü Naboth thiyih müleakpung ching, khihnubonü nü thiyih she amüleakbah.”

ABEKHIT 29:20

Ju laksahbah athiyih khürü luang tüsho Aron le atsührübo nuku müzhean kheak, tsülim khahkutopübo kheak, tüsho tsülim jingkutopübo kheak yihkihjang. Tüsho kingaün sadam alala mükamde athiyih rhakkihang.

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

ZEPHANIA 3:19

Inü ju kim ching nü junorü alala ki rhimobah. Tüsho inü jingkikrü khümkhitbah tüsho hiumüzüta larü bemukhungbah, tüsho inü arü achih ngükhi ju mungshi müthrijihbah tüsho alomi alala ching mungthu labah.

ROMRÜ KILIM PAULNÜ ATHRÜTKHI KIHÜM HUHTANYU 2:15

Arü mulong ching yakzan thrüta lakhi rhimonü ahuhkhi arü lümkhinü thiyumütsan thsüchoh, tüsho arü dükeak ching arü lümkhinü amülim jihchoh yungsho amülim bahachihchoh.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

AMIKHEAKAKHIUKKHI 13:10

Khürü ramde atsopü lasho, api aramkhi ching yübah; khürü nukshangnü alaksahpü lasho, nukshangnü api laksahbah. Ha amüsührü arümkheam tüsho thiyuro lapü thsungkheak jichoh.

AMIKHEAKAKHIUKKHI 16:6

tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah!

MAHKHAPRÜ 1:6

Adonibezeknü alihde tso; tüshe arünü api müshamde yü, tüsho ramlobah api khahkutopü le jingkutopü khapshakjih.

MAHKHAPRÜ 9:24

hanangde Abimelek tüsho api tuthsuka Gideon tsührü 70 laksahshihkhi Shekem mihtsürübo kheak royimpü lakheah.

MAHKHAPRÜ 9:57

Tüsho Thrünpuhnü Shekem mihtsürü amütsü-rhimo alala arü ku kheak jihlo, tüsho Jerubbaal tsührü Jotham muthrumünean arü kheak arü.

1 SAMUEL 15:33

Tüshe Samuelnü tha, “Nü nukshangnü aliberübo aniungyüh kamshihdo, jumonü aliberü bolung nü be a aniungyüh labah.” Tüsho Samuelnü Agag ju Gilgal ching Atungpuh miki adütre kamde khapthünak.